٤ - ديوان:غنيت لكل العاشقين. تأليف:زينات السخاوي

ديوان : 

غنيت لكل العاشقين

( أغاني عاطفية )

تأليف : 

زينات السخاوي

رقم الإيداع بدار الكتب: ٧٧٨٢ / ٢٠٠٠

.....

( 1 )

مقدمـــــة

……….

حغني ... لكل العاشقين

اللي بعيد ...

واللي قريبين.

والمتجمعين ...

والمتفرقين.

وعن الحب أقول :

آه ياني.

ده بكاه فرحني

وفرحه بكاني.

ومين غيره بيشرخ القلب

ويظأططه تاني.

وحكتب وأقول:

شوفوا العاشقين.

المرتاحين تعبانين

والتعبانين مرتاحين.

وما يحرَّموا مرة

ويرجعوا تاني.

حغني ... لكل العاشقين

بدموع الحروف ... وكلام العين.

وأهتف وأٌقول :

يا عاشقين

يا مجروحين.

أقروا المعاني

واتعلموا تاني.

دي لغات الحب

كلها تتلخص في أغاني.

هغني لكل العاشقين

********

( 2 )

قربوني

……….

قربوني من قلوبكم قربوني

ده انتوا غاليين ... بس آه لو تعرفوني

تنصفوني ... وتراعوني.

   قربوني من قلوبكم ... قربوني

الزمان اللي حكم بيكم عليا

مش حقول ظالم ... حتي لو زدتم أسية.

بس حسأل ليه مش بصعب عليكم

وبتتعبوني وأنتوا أغلي من عنيا.

الزمان قاسي ... وكمان انتوا بتلوموني

نظرة منكم ... تطفي أشواقي وشجوني.

   قربوني من قلوبكم ... قربوني

مين لقلبي غيركم انتوا ... يواسي جرحه.

ده انتوا دنياه ... وأنتوا أحلامه وفرحه.

لو عِدايا ... كنتوا برضه حتراعوني

وحتي لو شفتم أسية مني ... حتعذروني.

أشتريكوا بروحي ... وأنتوا برده بتبيعوني

واشكي لمين ... واللي بشكي ليهم لاموني.

    قربوني من قلوبكم ... قربوني

فرحوني يوم من عمري ... فرحوني

ياما قلت الآه وبرضه ... بتجرحوني.

الزمان قاسي ... وكمان انتوا بتلوموني

نظرة منكم ... تطفي أشواقي وشجوني.

   قربوني من قلوبكم ... قربوني

********

( 3 )

ما تظلميش نفسك ويايا

……….

ما تظلميش نفسك ويايا

وتأسري حبك في هوايا.

أنا فقدت الثقة في كل الكون

وكل اللي حسبتهم موسي ... طلعوا فرعون .

          ما تظلميش نفسك ويايا

أنا اللي حكم عليا الزمان

بالفرقة والشقي والهوان.

لحد ما بقيت من الحرمان

مش حاسس إني إنسان.

ده كل اللي حسبتهم موسي ... طلعوا فرعون

وخلوني فقدت الثقة في كل الكون.

   ما تظلميش نفسك ويايا

بطلي حِكَمْ ... بطلي ألغاز

بلاش دوشة ... واستفزاز.

ده أنا حياتي ... لحن نشاز

وبيتي واهن ... من قزاز.

وكل اللي حسبتهم موسي ... طلعوا فرعون

وخلوني فقدت الثقة في كل الكون.

   ما تظلميش نفسك ويايا

إخلاصك ... خيانة ليا

وغيرتك ... كلها أنانية.

وفي وسط كل الدوشة ديا

لقيت حبك كذبة غبية.

ده أنا كل اللي حسبتهم موسي ... طلعوا فرعون

وخلوني فقدت الثقة في كل الكون.

   ما تظلميش نفسك ويايا

بتقوللي صوابعي مش زي بعضها

وما تحكمش علي كل البنات وتسبها.

وبقولك أنا شفت من الخيانة ألوان

وما عدتش أثق فيكِ ... ولا في أي إنسان.

ده أنا كل اللي حسبتهم موسي طلعوا فرعون

وخلوني فقدت الثقة في كل الكون.

    ما تظلميش نفسك ويايا

********

( 4 )

كفاية تعذب نفسك

……….

كفاية تعذب نفسك بيا

زي ما عذبت نفسي بيك.

ده الهجر لا بإيدك ولا بإيديا

الله يعوض عليا وكمان عليك.

          كفاية ... كفاية

كفاية ... كفاية ... كفاية ... كفاية

هو عذاب قلوبنا مالهوش نهاية.

لا أنا اتهنيت بهواك

ولا أنت اتهنيت بهوايا.

والعوازل كل يوم

بيحكوا عنا مليون حكاية.

والناس نازلة فيا لوم

لحد مازاد أساك وأسايا.

والهجر لا بإيدك ولا بإيديا

الله يعوض عليا وكمان عليك.

كفاية تعذب نفسك بيا

زي ما عذبت نفسي بيك.

        كفاية ... كفاية

كل يوم بيمر بينا

بنفقد جزء من ذكرياتنا.

معرفش ليه الزمن عمل كده فينا

قسي علينا وعدي وفاتنا.

يا دنيا كوني حنونة علينا

ده احنا ولادك وعلي أرضك اتولدنا.

أقفي معانا ... راعينا وواسينا

وانصرينا علي اللي رتبوا لبٌعادنا.

ده الهجر لا بإيدك ولا بإيديا

الله يعوض عليا وكمان عليك.

كفاية تعذب نفسك بيا

زي ما عذبت نفسي بيك.

       كفاية ... كفاية

بدال ما كنا نفرح ونتهني

وحبنا يبقي الواحة والجنة.

قدروا يدخَّلوا الشك بينا

قلقوا راحتنا ... قلقوا منامنا.

الله يجازيكم ياللي ظالمنَّا

ويورينا فيكم ... ويبعدكم عنا.

وتعود أيام الصفا تنور ليلنا

ويتوصل كل اللي اتقطع بينا.

ده الهجر لا بإيدك ولا بإيديا

الله يعوض عليك وكمان عليا.

كفاية تعذب نفسك بيا

زي ما عذبت نفسي بيك.

    كفاية ... كفاية

********

( 5 )

السعد للصابرين

……….

السعد للصابرين ... وللزمن أحكام.

واللي قاسيته سنين ... تنساه مع الأيام.

             السعد للصابرين

قسمة ... وقدر مكتوب

فرحت ... ولا قاسيت.

مع الزمن ... مغلوب

غضبت ... ولا رضيت.

نصيب وعايش بيه

مالكش فيه حيلة.

أيام جراح وأنين

وغيرها هنا وزينة.

والسعد للصابرين ... وللزمن أحكام.

           السعد للصابرين

الدنيا حال ورا حال

واللي عاداها ... احتار.

والليل عليك لو طال

نهاره برده نهار.

والشكوى تنفع مين

ليه تعشق الأوهام.

والسعد للصابرين ... وللزمن أحكام.

             السعد للصابرين

لو كان زمانك مال

مسيره ينعدل يوم.

وإن دمع عينك سال

حيكون عليك اللوم.

دمعك يزيد في شقاك

ولا حد يبكي معاك.

ويكتر اللايمين

واللوم آلامه آلام.

والسعد للصابرين ... وللزمن أحكام.

              السعد للصابرين

********

( 6 )

حنوَّر قناديلك

……….

وحياتك عندي حغني لك

وبإيدي حنوَّر قناديلك.

ده أنا قلبي دليلي من الأول

وقايل لك يا جميل وحاكي لك.

  وحياتك عندي حغني لك

ياما قلت لك حبي وحبك

من غير أمل.

وقلت لي يا حيرة قلبك

إيه العمل.

واللي جري ... آدي أنت بعيونك شفته.

ويا هلترى ... حتفتكر قلب عرفته.

ده أنا قلبي دليلي من الأول

وقايل لك يا جميل وحاكي لك.

وحياتك عندي حغني لك

وبإيدي حنوَّر قناديلك.

    وحياتك عندي

أنا عمري ما حنسى هوانا

وذكرى أحلامي وأحلامك.

ولا حكون السبب في آلامك

بس ما تنساني وأبعت لي سلامك.

وبدمعي حغني لفرحة غيري

كده قسمتي ... وده مصيرك ومصيري.

وحياتك عندي

آدي الغرام ... وآدي أوهامه

لما يكون من غير أمل.

قهر قلبي ... وتاهت أحلامه

وفرح قلبي لم يكتمل.

واللي جرى آدي أنت بعيونك شفته.

ويا هلترى ... حتفتكر قلب عرفته.

ده أنا قلبي دليلي من الأول

وقايل لك يا جميل وحاكي لك.

وحياتك عندي حغني لك

وبإيدي حنوَّر قناديلك.

وحياتك عندي

********

( 7 )

جميـــــــل

……….

جميل ... وإيه بكاك

صعبت عليا عنيك.

بكيت فؤادي معاك

على الجمال وعليك.

جميل ... جميل

هايم وحيد محتار

فاكر أساك حيدوم.

لو تبكي ليل ونهار

ما تغير المقسوم.

رخصت دمعك ليه

وخدت من كده إيه.

ده اللي بقساوته رماك

بكره يحن إليك.

بكيت فؤادي معاك

وعلى الجمال وعليك.

جميل ... جميل

ساير هوى الأيام

واصبر ... وكله يزول.

مين حزن قلبه ... دام

أو مين فرح علي طول.

لو تبكي مين يواسيك

فرَّحت غيرك فيك.

داري الدموع يكفاك

عزال كثير حواليك.

بكيت فؤادي معاك

وعلى الجمال وعليك.

جميل ... جميل

صون ورد خدك ... صون

دمع الشجن يكويه.

وبكره كل يهون

والبخت ... مين يداريه.

دنيا دوامها محال

وكل ساعة في حال.

دمعك يزيد في أساك

ولا حد يبكي معاك.

إنسي الأسي ينساك

فرحة هَنَاك في إيديك

     جميل ... جميل

********

( 8 )

شــــــــــاور

……….

قلبي عليك شاور

ولا راضي يتحول.

وقال لي: ده آخر غرام

وده الأول.

   قلبي عليك شاور

يا أول بسمة قابلتني

وتاه القلب وياها.

خدتني في دنيا نستني

حياتي ... وعمري ما كنت أنساها.

يا آخر نظرة صادفتني

وطول العمر شاغلتني.

وقالت لي: ده آخر غرام

وده الأول.

    قلبي عليك شاور

يا صورة في الفؤاد دايمة

جمالها يهني أيامي.

وفكرة في الخيال هايمة

بتسري ويا أحلامي.

يا ساهي عن فؤاد ساهر

حرام علي البعد مش قادر.

وقال لي: ده آخر غرام

وده الأول.

  قلبي عليك شاور

حنيني للوداد غنوة

بتتبسم في أفكاري.

وبين أحلامي والنجوى

فؤادي احتار ... ومش داري.

باحبك للغرام وحده

وباقي القلب علي عهده.

وقال لي: ده آخر غرام

وده الأول.

   قلبي عليك شاور

********

( 9 )

إشهدي يا ليالي

……….

اشهدي يا ليالي الوحدة عليا

شوفي قلبه في إيه ... وأنا قلبي في إية.

               اشهدي يا ليالي

قلبه المرتاح ... ارتاح مع راحة أفكاره.

لياليه أفراح ... وعيوني مع السهد احتاروا.

أيامي تفوت ... غير أيامه

وناسيني ... وفايت لي غرامه.

وبحبه ... وليه بيلاوع ليه

شوفي قلبه في إيه ... وأنا قلبي في إيه.

                اشهدي يا ليالي

طول عمري معاه ... بآمالي وروحي وأنغامي.

وإن قلت انساه ... ألاقيه في خيالي وأحلامي.

ويايا ... ودايماً علي فكري

وغرامه في روح قلبي بيسري.

وتمللي الروح بتحن إليه

شوفي قلبه في إيه ... وأنا قلبي في إيه.

                اشهدي يا ليالي

أبعت له كثير ... جوابات بالشوق غير مراسيلي

وأرضي التأخير في الرد ... وأقول ... بكره يجي لي.

لا في بكرة يرد ... ولا في بعده

ويزيد الشوق ويطول بُعده.

وياريتها عيوني بيقابلوا عنيه.

شوفي قلبه في إيه ... وأنا قلبي في إيه.

               اشهدي يا ليالي.

********

( 10 )

يهمك تعرف يهمك

……….

يهمك تعرف يهمك

حبيت مين قبل منك.

هات ودنك أوشوشك وأقولك 

وأنت مالك يا سِمَّك.

    يهمك تعرف يهمك.

الماضي مهما كانت قساوته

مش ححكي هولك ... لا بمرارته ولا بحلاوته.

هو يعني لما احكي لك حكايته

حتصدق وتآمن باللي قلته.

هات ودنك أوشوشك وأقولك

وأنت مالك يا سِمَّك.

   يهمك تعرف يهمك.

عمرنا لسة في عمر الزهور

ليه عايز تخليه ليل علي طول.

لا أنا ملاك ... ولا أنت معصوم

ومين فينا عن الغلط معزول.

هات ودنك أوشوشك وأقولك

وأنت مالك يا سِمَّك.

    يهمك تعرف يهمك.

اسكت بقي يا ساهي وكلك حنية

بتداريها ونازل سؤالات فيا.

بص لي كده ... وهات عينك في عنيا

وقول مين قبل كده حبيت ومين في الطريق جاية.

هات ودنك أوشوشك وأقول لك

وأنت مالك يا سِمَّك.

    يهمك تعرف يهمك.

حتقولي تاني ... وتاني أقولك

إسعد لي زماني ... وزماني يقولك.

ده أنت وردي ... وأنا فُلَّك

وان شوكك شكِّني ... برده حيوصلك.

صدقني ... اللي يهمني تعرفه ... ويهمك

إني حبيتك ... وباحبك ... وححبك.

     يهمك تعرف ... يهمك.

********

( 11 )

سؤالك عن الماضي

……….

سؤالك عن الماضي

مالوش ... لازمة.

ومادمت بحبي راضي

ليه كل ساعة ... تعمل لك أزمة.

سؤالك عن الماضي مالوش لازمة

مش كل الذكريات

ولا ... كل اللي فات.

يتحكوا حكايات

في كل الأوقات.

ما تسمعش للوشايات

في الرايحات والجايات.

ومادمت بحبي راضي

ليه كل ساعة عاملك أزمة.

سؤالك عن الماضي مالوش لازمة

إسألني عن الحاضر

سؤالي حيكون حاضر.

وبلاش تفتح لي محاضر

كل ما تشوفني ... يا شاطر.

خلينا نفكر في المستقبل

وبص لأدام أسهل.

ومادمت بحبي راضي

ليه كل ساعة عاملك أزمة.

سؤالك عن الماضي مالوش لازمة

متبقاش أنت والزمن

راميين حملكم عليا.

ده أنا قلبي من كتر الشجن

محتاج للود ... والحنية.

بطل شك وغيرة

ما تفتحش علي نفسك باب الحيرة.

ومادمت بحبي راضي

ليه كل ساعة عاملك أزمة.

سؤالك عن الماضي ما لوش لازمة

أحلف لك ما حتندم

علي حبك أبداً ليا.

نام واتهنى واحلم

ده أنا حبك جوه عنيا.

وإخلاصي ليك ... لو تعلم

مالي كل ما فيا.

ومادمت بحبي راضي

ليه كل ساعة عاملك أزمة.

سؤالك عن الماضي...

أبداً ... أبدا ... مالوش لازمة.

********

( 12 )

وقتك ووقتي

……….

لسه لغاية دلوقتي

مش مصدقة ... بحبِّك أد إيه.

ليه غاوية تضيعي وقتك ووقتي

في حب مش باقية عليه.

   لسه لغاية دلوقتي

إنتي ما بقيتيش إنتي

إنتي كتير أوي اتغيرتي.

يا ريت ما كنتي في حياتي ظهرتي

وحبيتي غيري وغيري اخترتي.

وليه غاوية تضيعي وقتك ووقتي

في حب مش باقية عليه.

  لسه لغاية دلوقتي

عمري ضاع مني هدر

ولحد امتي حنتظر.

لا إنتي مسافرة ... ولا علي سفر.

ليه بتلقفوني لبعض إنتي والقدر.

وليه غاوية تضيعي وقتك ووقتي

في حب إنتي مش باقية عليه.

      لسه لغاية دلوقتي

مسكينة والله ... بتصعبي عليا

عاملة زي الطير في مهب الريح.

لو تهاوديني حشيلك في عنيا

ما إنتي عارفة إني حنين وصريح.

وليه غاوية تضيعي وقتك ووقتي

في حب إنتي مش باقية عليه.

       لسه لغاية دلوقتي

********

( 13 )

بتشاغلني ليه

……….

علي إية بتحاول تشاغلني

وتطوِّل ليلي وتجرحني.

شوف قلبك مع مين بيغني

ومعاه غني ... وريحني.

علي إيه بتحاول تشاغلني

في عيونك أحلام وأماني

علي قد حنيني بفسرها.

واحتار بين حبي وحرماني

وأتوه مع رقة منظرها.

أحكي لي ... وقوللي وطمني

دي عيونك علي طول ... شاغلنِّي.

علي إيه بتحاول تشاغلني

أنا حبك ... وعايزني حبيبك

كده طيفك قال لي في أحلامي.

ونصيبي من الدنيا نصيبك

وغرامك بينادي غرامي.

أحكي لي وقوللي وطمني

دي عيونك علي طول ... شاغلنِّي.

   علي إيه بتحاول تشاغلني

عشاقك كثير ... أجمل مني

وأنا عارفة ... وبغالط نفسي.

وأشوفك وأضحك لك ... مع إني

بداري حرماني ويأسي.

أحكي لي ... وقوللي وطمني

دي عيونك علي طول ... شاغلنِّي.

   علي إيه بتحاول تشاغلني

********

( 14 )

يا جميل وياك

……….

لا دول ولا دول يا جميل وياك

أنا وحدي وبس بقلبي معاك.

لو تشكي لدول ...

راح يشمتوا دول.

وتلاقي اللوم

يا جميل من دول.

أنا وحدي وبس لا دول ولا دول

إن كان علي دول أو دول يا جميل

بيقولوا كلام ما أعرف معناه.

وإن قالوا كثير ... أو قالوا قليل

أهو كله كلام باسمعه وانساه.

ويوماتي يزيد ... وأنا فكري بعيد

لا بصدق دول ... ولا أصدق دول.

أنا وحدي وبس لا دول ولا دول

أنا قلبي معاك ... ومعاك علي طول

في بحور الشوق والبر قريب.

ولا أي حسود ... ولا أي عزول

يقدر يبعدنا يا أغلي حبيب.

فرحتي رؤياك ... غنوتي نجواك

لا أنا باسمع دول ... ولا باسمع دول.

أنا وحدي وبس لا دول ولا دول.

الدنيا قلوب بتناجي قلوب

والحزن ... مالي ومالك بيه.

اتهنى بقلبك مع المحبوب

والحاسد انساه ولا تسأل فيه.

ولا مني كلام ... ولا مني ملام

لا بصدق دول ... ولا اصدق دول.

أنا وحدي وبس ... لا دول ولا دول.

********

( 15 )

خايف من إيه

……….

خايف من إيه ... ومحتار كده ليه

قوللي يا قلبي.

هو الحب حرام ... برده  ده أسمه كلام

إهدى في جنبي ... إهدى يا قلبي.

              خايف من إيه

طول ما أنا وياك ... وهوايا هواك

حنخاف من إيه.

سيبني أفرح بهواك ... ده هنايا هناك

والعزول سيبني عليه.

أسقيه من الكاس ... سقى منه كثير ناس

من غير أحساس.

هو الحب حرام ... برده ده أسمه كلام

إهدى في جنبي ... إهدى يا قلبي.

              خايف من إيه

في وقت ما أنا محتاجالك

خايف وبتسوق في دلالك.

معلهش بخاطرك ... خليك علي حالك

لو كان عذابي بيحلى لك.

هو الحب حرام ... برده ده أسمه كلام

إهدى في جنبي ... إهدى يا قلبي.

              خايف من إيه

ياما عشنا في حرمان

وعذاب ... وهوان.

طول ... عمرنا

ما صفي لنا زمان.

ولما لقينا الحنان

تخاف من الهنا.

هو الحب ... حرام ... برده ده أسمه كلام

أرجوك يا قلبي ... إهدى في جنبي.

             خايف من إيه

********

( 16 )

بداري عنك

……….

بداري عنك ... أسايا

واكتم في قلبي ... اللي بيا.

علشان ما تتهنا بهوايا

ودنيتك تبقى حلوة بيا.

  بداري عنك أسايا

أقابلك ... وأضحكلك

وقلبي يبكي.

وأخاف أشرح لك

لتتألم وتشكي.

وأظهِر لك ... إني سعيد

والسهد بناره كاويني.

وهمومي عليا تزيد

وأواسيها بدموع عيني.

علشان ما تتهنى بهوايا

ودنيتك تبقي حلوة بيا.

  بداري عنك أسايا

أبعت لك طيفي

يواسيك في بعادي.

وإن جاني طيفك

أداري عنه سهادي.

ويشوفني بداري أسايا

يسألني ما رد عليه.

وأحكي له عن هنايا

وفرحتي بحبك ولياليه.

علشان ما تتهنى بهوايا

ودنيتك تبقي حلوة وهنية.

    بداري عنك أسايا

مهما بشوف منك

عذاب ودلال.

بصبر وأقول إنك

لحياتي موال.

وأداري عنك وعن عزالي

حيرتي ودمع أسايا.

وأقاسي وحدي سهر الليالي

وأقول لهم أنت فرحي وهنايا.

علشان ما تتهنى بهوايا

ودنيتك تبقي حلوة وهنية.

   بداري عنك أسايا

********

( 17 )

على قد الليل

……….

على قد الليل ما يسهرني

على قد ما تضحك لي أمالي.

لابعادك يوم حيغيرني

ولا حبك حيغيب عن بالي.

       على قد الليل

بين ليلة ويوم شفت نصيبي

وبهجرك ... كشر لي زماني.

مين عارف يمكن يا حبيبي

بين ليلة ويوم ترجع تاني.

الصبر معايا ... ومعاك أحلامي.

مش حنسي هوايا ... وحعيش بغرامي.

تنساني أمالي تصبرني

تلاوعني أساوتك تحلالي.

لا بعادك يوم حيغيرني

ولا حبك حيغيب عن بالي.

      على قد الليل

سهران ونجوم الليل تحكي

للبدر حكايتي ... وتعزيني.

ويشوفني البدر وحيد ببكي

وبدمع نداه يطفي لهيبي.

كده ليلي ونهاري ... بسأل علي قلبك.

محتار مش داري ... ليه غاوي أحبك.

ومهما غرامك حيرني

أنا حالف لأفضل علي حالي.

لا بعادك يوم حيغيرني

ولا حبك حيغيب عن بالي.

      على قد الليل

وياك بالثانية في مواعيدك

وبتنسى ... وأواعدك من تاني.

إيه بس يا ظالم حيفيدك

مش عارف ... من طول حرماني.

أبين لك حبي ... تهرب وتجافي.

مصمم علي غلبي ... وأنا قلبي لك صافي.

وبحبك ... وأنت بتهجرني

ولا كلمة عطف تقول هالي.

لكن مهما غرامك حيرني

أنا حالف لأفضل علي حالي.

لا بعادك يوم حيغيرني

ولا حبك حيغيب عن بالي.

      على قد الليل

********

( 18 )

غيَّر فكرك

……….

غير فكرك ...

وانسي هوايا ... وعهد حناني.

لا أنا حفتكرك...

ولا يوم حسأل عنك تاني.

         غير فكرك

كان ياما كان ... والقلب اتغير

وبكده راضي.

وأنا متعود ... عمري ما أفكر

يوم في الماضي.

يبقي خلاص ... ارتاح وانساني

وغير فكرك.

ليه بتحير قلبك علشاني

        غير فكرك.

لا أنا حفتكرك ...

ولا يوم حسأل عنك تاني.

         غير فكرك

ليه بتعيش في أمل مش ممكن

يوم يهنالك.

وما بين ... أيوه ... وبكره ... ويمكن

تشغل بالك.

اللي نساك إنساه وطاوعني

غير فكرك.

حبيت روحي وحبي مانعني

غير فكرك.

لا أنا حفتكرك ...

ولا يوم حسأل عنك تاني.

        غير فكرك

ليه تكتب لي ... وليه أكتب لك

أو تشكي لي.

مش راح أشوفك يوم ولا اقابلك

قلبي دليلي.

حب وطيفه تاه ومعاه قلبي وقلبك

غير فكرك.

عمر وعدى ... راح ولا هدى

غير فكرك.

لا أنا حفتكرك ...

ولا يوم حسأل عنك تاني.

         غير فكرك

********

( 19 )

فاكراك ودايماً علي بالي

……….

فاكراك ودايماً علي بالي

يا شاغلني ليلي ونهاري.

ومهما أخبي ومهما أداري

عنيا بتبوح بأسراري.

فاكراك ودايماً علي بالي

الليل بطوله بنادي عليك

وياريت تسمع لندايا.

وأتمني قربك ... وأتمني أشوفك

تكون تمللي معايا.

يا شاغلني ليلي ونهاري

عنيا بتبوح بأسراري.

فاكراك ودايماً علي بالي

بُعدك عني حرمني النوم

وشمِّت العزال فيا.

وخلاني أبكي وأقاسي اللوم

وأشكي لدمع عنيا.

يا شاغلني ليلي ونهاري

فاكراك ودايماً علي بالي.

ومهما أخبي ومهما أداري

عنيا بتبوح بأسراري.

فاكراك ودايماً علي بالي

ياما نفسي مرة تهنيني

وتفرَّح قلبي بقربك.

وترجع لقربي يا نور عيني

وأحضن النجوم وأنا جمبك.

يا شاغلني ليلي ونهاري

فاكراك ودايماً علي بالي.

ومهما أخبي ومهما أداري

عنيا بتبوح بأسراري.

فاكراك ودايماً علي بالي

********

( 20 )

غلاوتك عندي

……….

غلاوتك عندي مالهاش مثيل

وحيرتي في حبك ... دي شئ جميل.

ياللي هويتك ... ومش لاقية دليل

يثبت لك حبي ... وسهاد الليل.

غلاوتك عندي مالهاش مثيل

من قلبي بفرح وبغني

لما اسمع إنك متهني.

وأعيش والفرح قريب مني

لو حتي تغيب سنين عني.

ياللي هويتك ... ومش لاقية دليل

يثبت لك حبي ... وسهاد الليل.

غلاوتك عندي مالهاش مثيل

صورتك عايشة في خيالي

ليل ونهار يا روحي وعنيا.

أبني معاها أحلى آمالي

تكلمني واكلمها وترد عليا.

ياللي هويتك ... ومش لاقية دليل

يثبت لك حبي ... وسهاد الليل.

غلاوتك عندي مالهاش مثيل

حبك قدري وفين أهرب منه

ده قدر مكتوب على سنيني.

شوقي وصبري يوماتي بيسألوا عنك

ولا حبيب غيرك يملا عيوني.

ياللي هويتك ومش لاقية دليل

يثبت لك حبي ... وسهاد الليل.

غلاوتك عندي مالهاش مثيل

********

( 21 )

باقيالك حيرتي

……….

باقيالك حيرتي ... باقيالك

وحالي راح يكون حالك.

وروحي تقول وتتنهد

يا ظالم قلبي عقبالك.

   باقيالك حيرتي

عقبالك يوم يتوه قلبك

في دنية قلب ما يحبك.

وتسهر على الهنا تدوَّر

تلاقي الوحدة بتجاوبك.

وليل السهد أنا عرفته

يا قلبك لو في يوم شفته.

يا ظالم قلبي عقبالك

باقيالك حيرتي ... باقيالك.

        باقيالك حيرتي

باقيالك ذكري حرماني

وبكره تفكرك تاني.

وتندم علي اللي كان منك

ويكون الصبر نساني.

وتتمني عتاب مني

وتسأل كل يوم عني.

يا ظالم قلبي عقبالك

باقيالك حيرتي ... باقيالك.

       باقيالك حيرتي

باقيالك ... روح وأنا في حالي

مسير الدنيا تهنا لي.

وشمعة دنيتي تنور

ودنيا الوحدة تحلالي.

جرالي كثير ... وراح يجرى

لقلبك وإبقى شوف بكرة.

يا ظالم قلبي عقبالك

باقيالك حيرتي ... باقيالك

        باقيالك حيرتي

********

( 22 )

روح المحبة

……….

واسونا بالعطف حبة

وليه ملاوعينَّا.

ده الود طبع الأحبة

ولا أنتوا بايعنَّا.

واسونا بالعطف حبة

ساحر جمالكم ... أمرنا

نعشق لياليكم.

على ضي نوركم ... سهرنا

والروح تراعيكم.

وكان جزانا الأسى

والفكر صبح ومسا.

ده الود طبع الأحبة

ولا أنتوا بايعنا.

واسونا بالعطف حبة

الصفو طبع الأمارة

ويزيد محاسنكم.

والود أول أمارة

ماشفتهاش منكم.

شربتوا من شهدنا

وسعدكم سعدنا.

والود طبع الأحبة

ولا أنتوا بايعنا.

واسونا بالعطف حبة

يرضيكم نسأل عليكم

ولا تسألوش عنا.

والقلب ينشغل بيكم

وعن حيرته يسألنا.

طبع الغرام مش كده

وليه وعلشان إيه كل ده.

ده الود طبع الأحبة

ولا أنتوا بايعنا.

واسونا بالعطف حبة

********

( 23 )

كل ما تعطف أحبك أكتر

……….

كل ما تعطف أحبك أكتر

ويزيد حنيني .. وشوقي بيكتر.

 كل ما تعطف أحبك أكتر 

عطفك عليا بينسيني آلامي

وينور لي قلبي وأيامي.

وأقول يا ريت يدوم لي غرامي

وأتهنى معاك وأحقق أحلامي.

وتجمعنا القسمة وتكون من نصيبي

وأحبك أكتر.

ويتم هنايا وياك يا حبيبي

وأسعد أكتر.

كل ما تعطف أحبك أكتر

عشقت روحك وحَبَّك قلبي 

وشاركك في عواطفك وحنانك.

وصارحك بحبه ومقدرش يخبي

لأنه مخلوق علشانك.

وأحن إليك وأستني معادك

وأحبك أكتر.

ويزورني طيفك ينسيني بعادك

وشوقي بيكتر.

  كل ما تعطف أحبك أكتر 

ده أنت آمالي.. وأنت أفراحي

وأنت اللي ليا في الدنيا.

دي الكلمة منك بتشفي جراحي 

وتخليني أعيش في حياة تانية.

وأهيم في حبك وكلامك

وأحبك أكتر.

وأتمني يدوم لي غرامك

وأسعد أكتر.

كل ما تعطف أحبك أكتر

********

( 24 )

مشغول

……….

أنا مهما البعد يطول

حعيش على أمل الوصول.

وأغني لطيفك وأقول

مشغول أنا بيك مشغول.

         مشغول

حغني ليل ونهار

وأشغل أوقاتي بحُسنك.

وأقطف من كل الأزهار

وأرسم عليها حروف أسمك.

وأصبَّر قلبي المشتاق

بجمالك وأنت بعيد.

وأقول له من بعد فراق

أيامك حتكون عيد.

وأغني لطيفك وأقول

مشغول أنا بيك مشغول.

         مشغول

أملي حيفضل في خيالي

وحعيش بيه طول عمري.

لحد ما تعود لي ياغالي

يا حلو يابو لون خمري.

وأتهنى وياك..

ويتم لقلبي هناه.

وأسعد بلقاك..

وينول القلب مناه.

وأغني لطيفك وأقول

مشغول أنا بيك مشغول.

          مشغول

الماضي عمري ما نسيته

طول ما أنت بعيد عني.

فاكرة هواك وحبيته

مهما تنساني وتهجرني.

وبروي زهر حبنا

علي نور الأمل البسام.

وأتصور ليالي الهنا

وأنت معايا في الأحلام.

وأغني لطيفك وأقول

مشغول أنا بيك مشغول.

          مشغول

********

( 25 )

فاكرني

……….

فاكرني ولسه مش ناسي

وباعت تاني يسأل عني.

           فاكرني

فاكر كل اللي جري بينا

وأول مرة أتقابلنا.

ولما قلت له: قول بحبِّك

قال قوليها أنتِ قبليا.

وفرقنا الزمان وافتكرت

إنه استحالة يعود ليا.

أتارية لسه مش ناسي

وباعت تاني يسأل عني.

          فاكرني

وصف لي في جوابه

أيامنا اللي جاية.

والشوق اللي بيه

والشوق اللي بيا.

وحلفني ما أنسي

ذكرياتنا وجمالها.

وحكايتنا اللي عاشت

في الجنة وخيالها.

       فاكرني

محتارة أقول إيه

في ردي.

أحكي عن حالي

ولا أحكي عن سهدي.

ولا أخبي وأحاول

أداري.

وأسامح زماني عن كل اللي

جرالي.

مادام حبيبي لسه فاكرني

وباعت تاني يسأل عني.

          فاكرني

********

( 26 )

مين قال لك لأ

……….

بهواك وبقول الحق

بهواك مين قال لك لأ.

مشغول علي طول بهواك

إن جيت للحق.

مين قال لك لأ

بهواك للكلمة الحلوة

اللي تمللي تقول هالي.

فيها سحر ونشوة

ونعيم بيفرَّح بالي.

الروح وياك.. إن جيت للحق.

وهنايا رضاك.. مين قال لك لأ.

مشغول علي طول بهواك

إن جيت للحق

مين قال لك لأ

عمرك ما وعدت وتنسى

وحنانك أد حناني.

ولا قلبك يهمس همسة

إلا لما تكون علشاني.

نستني اللوم.. إن جيت للحق.

ولا حنساك يوم.. مين قال لك لأ.

مشغول علي طول بهواك

إن جيت للحق.

مين قال لك لأ

علي ضي البدر وحسنه

سمعني نشيد أحلامي.

وأوصف للورد وغصنه

أحلام قلبك وغرامي.

ساحراني عنيك.. إن جيت للحق.

وآمالي عليك.. مين قال لك لأ.

مشغول علي طول بهواك

إن جيت للحق.

مين قال لك لأ

********

( 27 )

هات من الآخر

……….

ابعت جوابات وأنت مسافر.

وما تكترش السلامات.. وهات من الآخر.

                  ابعت جوابات

سطر جواباتك.. سطرها

ده أنا علي نار الشوق بستنظرها.

وفي قلبي بداري أسرارها

مين غيري حيعرف مقدارها.

وما تكترش السلامات وهات من الآخر.

     أبعت جوابات وأنت مسافر

طمني عليك طمني

ده النوم في بعادك مخاصمني.

خايفة العزال يخدوك مني

وياريت تكون أنت فاهمني.

وما تكترش السلامات وهات من الآخر.

     ابعت جوابات وأنت مسافر

لو حتي بُعدك حيطوِّل

الصبر عليه حيصبرني.

ما أنت عارف وقايل لي من الأول

ما فيش غيرك حيقدرني.

ومتكترش السلامات وهات من الأخر.

    أبعت سلامات وأنت مسافر

أنا عايشة بحبك وبشوقك

وشوقي ما يقلِّش عن شوقك.

ده الدم اللي بيجري في عروقي

نفس الدم اللي بيجري في عروقك.

وما تكترش السلامات وهات من الآخر.

    وابعت جوابات وأنت مسافر

********

( 28 )

مظلوم

……….

لو قلت لك مظلوم

حيكون جوابك إيه.

طمن فؤاد محروم

والرد قوللي عليه.

لو قلت لك مظلوم

بيفوت زماني معاك

دمعة ورا دمعة.

ويمر عهد هواك

ما قدت يوم شمعة.

وإيه نهايتي معاك

والله ما بقيت عارف.

لكني من بكره بقيت

ومن بعده.. خايف.

طمن فؤاد محروم

والرد قوللي عليه.

لو قلت لك مظلوم

حبيت وإيه حتشوف

من قلب بيحبك.

إخلاصه نور بيطوف

في حرم قلبك.

وغرامك رواه بوداده

ليه بقى تحب سهاده.

طمن فؤاد محروم

والرد قوللي عليه.

لو قلت لك مظلوم

مظلوم وياما داريت

والصبر فاض بيا.

فكرني مرة أشتكيت

من قسوتك ليا.

ليه تنسى بالمرة حبيبك

وتقسى عليا.

طمن فؤاد محروم

والرد قوللي عليه.

لو قلت لك مظلوم

********

( 29 )

مش إحنا اللي نشمت

……….

مش إحنا اللي نشمت ونتشفى

ونحط الحب والكره في كفة.

علشان كده قررنا نبعد ونستكفي

ونسمع كل خير عنكم.. وده يكفي.

        مش إحنا اللي نشمت

ده أنتم حبايبنا.. وجوة القلب ساكنين.

عمرنا منكم ما غضبنا.. وطول عمركم علينا غاليين.

علشان كدة قررنا نبعد ونستكفي

ونسمع كل خير عنكم.. وده يكفي.

مش إحنا اللي نشمت ونتشفى

ونحط الحب والكره في كفة.

        مش إحنا اللي نشمت

الماضي بقي ذكري جميلة

بتمر علي الخاطر تراضينا.

وعندنا أمل في بكرة

عايشين عليه وده يكفينا.

وعلشان كده قررنا نبعد ونستكفي.

ونسمع كل خير عنكم وده يكفي.

مش إحنا الي نشمت ونتشفى

ونحط الحب والكره في كفة.

   مش إحنا اللي نشمت

إحنا من زمان استعوضنا فيكم ربنا

ورضينا بنصيبنا.

واحتاطنا من يومها لنفسنا

قبل ما الهوي يغلبنا.

وعلشان كده قررنا نبعد ونستكفي

ونسمع كل خير عنكم وده يكفي.

مش إحنا اللي نشمت ونتشفى

ونحط الحب والكره في كفة.

   مش إحنا اللي نشمت

********

( 30 )

أنت اللي بديت بالأسية

……….

أنت اللي بديت بالأسية

وبترمي اللوم كله عليا.

لا يا روحي وعنيا

قلبي ما يجيش غير بالحنية.

 أنت اللي بديت بالأسية 

كان الود بينا.. مغنى وألحان.

ليه تقسى وتحرمني.. من الحنان

وتطاوع قلبك.. وتخليه يقسى.

علي اللي حبك.. وتعاتب وتنسى.

لا يا روحي وعنيا

قلبي ما يجيش غير بالحنية.

 أنت اللي بديت بالأسية

صبرت علي دلالك.. كتير وياما.

وصالحتك في خصامك.. ورضيت بالملامة.

وعلشان ده كله.. قلبي حبك.

ورضى بحرمانه وذله.. علشان يفضل جنبك.

لا ياروحي وعنيا

قلبي ما يجيش غير بالحنية.

 أنت اللي بديت بالأسية

إن جيت بعد كده.. تصالحني وتراضيني.

أسفة.. أرفض كل ده

وانسى حبي لك وحنيني.

بعد ما حرمت قلبي.. وفته للأشجان.

حخليك تتحمل زيي..

وتقاسي زيي زمان.

لا يا روحي وعنيا

قلبي يا يجيش غير بالحنية.

 وأنت اللي بديت بالأسية

********

( 31 )

ما تحاسبنيش

……….

ماتحاسبنيش على قدري.

ما تحسدنيش أحسن الهنا يفوتني ويجري.

ما تحاسبنيش ده ربي كافئني علي صبري.

ما تحاسبنيش... وعقبال عندكم يا حبايب ويكون بدري.

                            ما تحاسبنيش

ده أنا ياما قاسيت.. وياما بكيت.

وياما أتمنيت.. الهنا ما لاقيت.

ما تحاسبنيش أحسن الهنا يفوتني ويجري.

ماتحاسبنيش... وعقبال عندكم يا حبايب ويكون بدري.

                            ما تحاسبنيش

ده قدر مكتوب.. وعلينا محسوب.

يا يهني قلوب.. يا تهلك وتدوب.

ما تحاسبنيش أحسن الهنا يفوتني ويجري.

وعقبال عندكم يا حبايب ويكون بدري.

                ما تحاسبنيش

أحمده وأشكره ربي.. منور لي بصري.

وهو دليلي وحسبي.. وهو اللي راسم لي قدري.

ما تحاسبنيش أحسن الهنا يفوتني ويجري.

وعقبال عندكم يا حبايب ويكون بدري.

                ما تحاسبنيش

********

( 32 )

يكفانا عتاب

……….

يكفانا عتاب.. يا أهل الملامة.

وكلام كداب.. عن الحب ياما.

         يكفانا عتاب

قلوب والحب وافقهم

ونوَّر حياتهم ولياليهم.

ليه نيجي نفرقهم

ونبدد أحلامهم وأمانيهم.

ونقول ونعيد.. في الحب يا ناس.

خلينا بعيد.. وبلاش وسواس.

وكلام كداب.. عن الحب ياما.

         يكفانا عتاب

ده الحب نور وآمال

في قلوب العاشقين.

وربيع كله جمال

يجمع قلوب أتنين.

وينوَّر كل حياتهم

بالود والإخلاص.

فخلينا بعيد.. وبلاش وسواس.

ليه نقول ونعيد.. في الحب يا ناس.

بكلام كداب.. عن الحب ياما.

          يكفانا عتاب

الطير علي غصنه

بيلاغي حبيبه وفرحان بيه.

يغني له ويرقص له

ولا فيش عوازل بيلوموا عليه.

ومن غصن لغصن.. هايم فرحان.

وبالحب يزيد حسنه.. ويعيش في أمان.

فخلينا بعيد.. وبلاش وسواس.

ليه نقول ونعيد.. في الحب يا ناس.

بكلام كداب.. عن الحب ياما.

          يكفانا عتاب

********

( 33 )

الحبيب لحبيبته

……….

ما قلنا كده من الأول

إنسي الخصام وقساوته.

والبعد مهما يطوِّل

برده الحبيب لحبيبته.

ما قلنا كده من الأول

عرفت عنك ياما

ورضيت بطبع عنادك.

لا خفت مرة ملامة

ولا خفت من حسادك.

وظلمتني وطاوعتك

ولا نسيت هواك ولا بعتك.

ده البعد مهما يطوِّل 

برده الحبيب لحبيبته.

ما قلنا كده من الأول

أنت الغرام وأنا حبك

والحب راضي عليا.

وحتقول إيه لقلبك

لو يوم حتغدر بيا.

حيفكرك بغرامه

وتشوَّقك أحلامه.

ده البعد مهما يطوِّل

برده الحبيب لحبيبته.

ما قلنا كده من الأول

عود للهوى وأيامه

لا الصبر مرة يخونني.

وانسى الجفا وأوهامه

وأسأل فؤادك عني.

حيقول كثير ويجاوبك

ويلوم عليك ويعاتبك.

ده البعد مهما يطوِّل

برده الحبيب لحبيبته.

ما قلنا كده من الأول

********

( 34 )

ارتاح يا عزول

……….

إنسانا وفوتنا لأمانينا.

أحباب يا عزول.. مالك بينا.

إحنا في أفراح.. وأنت المشغول.

ارتاح.. ارتاح.. ياعزول.. ياعزول.

           ارتاح يا عزول

يا عزول ده الحب موفقنا

والود بتشجيه أنغامنا.

وإزاي بكلام حتفرقنا

أبداً وأحلف لك بغرامنا.

عمري ما حنساه.. ارتاح يا عزول.

وهنايا هناه.. وأنت المشغول.

        ارتاح يا عزول

ده حبيبي.. ومن بسمة ونظرة

السعد اتبسم وواعدنا.

لو مر الحب عليك مرة

كان قلبك عمره ما يحسدنا.

والحب نصيب.. ارتاح يا عزول.

وأنا ليا حبيب.. وأنت المشغول.

         ارتاح يا عزول

أنا قلبي عليك.. ما يجيش منه

يكفاك ياعزول اللي جرالك.

وحبيبي لا يوم حبعد عنه

ولا يوم حتنول اللي في بالك.

وكفاية كلام.. أرتاح يا عزول.

أيامنا غرام.. وأنت المشغول.

      ارتاح يا عزول

********

( 35 )

كام شهر

……….

كام شهر.. وكام سنة

بنشاغل بعضنا.

وأجي لك من هنا 

تيجي لي من هنا.

لأ.. لأ.. حيرتني

لأ.. لأ.. مقدرش أنا.

كام شهر وكام سنة

غرامنا في أوله

مش ناسية بهجته.

شوقنا مظلله

ومندي وردته.

وإزاي غيرت قلبك

وتغدر باللي هواه.

وأعاتبك مهما أعاتبك

قلبك برضه ظالمني معاه.

 كام شهر.. وكام سنة

دلالك والأسى.. نسوني فرحتي.

ولأمتى حستنى.. واحتار بمحبتي.

ده أنا راسية.. على بر هواك

طمن قلبي.. مرة معاك.

مش دايما تشغل بالي

وأتوه بآمالي في دنيا هواك.

وآجي لك من هنا

تيجي لي من هنا.

كام شهر.. وكام سنة

يا ظالمني مش كده..

نور لي دنيتي.

وحياتك كل ده

نساني فرحتي.

وعلشان إيه كل ده

رخصت دمعتي.

وآجي لك من هنا 

تيجي لي من هنا.

كام شهر وكام سنة

********

( 36 )

فاكراك أنا

……….

فاكراك أنا.. فاكراك أنا

لو غبت يوم.. ولا سنة.

       فاكراك أنا

فاكراك وبشتاق لودادك

ياحبيبي في قربك وبعادك.

ويوماتي استنى ميعادك

يا محيرني بكتر عنادك.

ومنين ما بروح.. فاكراك أنا.

ياحبيب الروح.. يا دنيا الهنا.

فاكراك أنا.. فاكراك أنا

لو غبت يوم.. ولا سنة.

      فاكراك أنا

يا أول حب.. وآخر حب

القلب بحبك مشغول.

يا فرحة عمري ونصيبي

حهواك مهما العمر يطول.

ومنين ما بروح.. فاكراك أنا.

يا حبيب الروح.. يا دنيا الهنا.

فاكراك أنا.. فاكراك أنا.

لو غبت يوم.. ولا سنة.

      فاكراك أنا

مهما الدنيا.. تفرقنا

حبك حصونه في قلبي.

والبعاد مش راح يلحقنا

لو حطيت حبك على حبي.

ومنين ما بروح.. فاكراك أنا.

يا حبيب الروح.. يا دنيا الهنا.

            فاكراك أنا

********

( 37 )

أخاصم وأصالح

……….

أخاصم وأصالح.. وأنسى الأسية 

وأرجع أودك.. يا غالي عليا.

وأحلف بحبك.. وليالينا الهنية

بحبك بحبك.. يا روحي وعنيا.

         أخاصم وأصالح

قلبي اللي حبك.. وعايش أسيرك.

يستحيل ينسى حبك.. ولا يحب غيرك.

ولو يوم حتنسى.. وقلبك حيقسى

حاصبر.. وأستنى.

لحد ما تصفى.. وقلبك ينسى

عهد خصامنا.

وأحلف بحبك.. وليالينا الهنية.

بحبك بحبك.. يا روحي وعنيا.

         أخاصم وأصالح

دنيتي وما فيها.. وجمال لياليها.

أنت الي زاينها.. أنت اللي محليها.

ولو يوم حتنسى.. وقلبك حيقسى

حاصبر وأستنى.

لحد ما تصفى.. وقلبك ينسى

عهد خصامنا.

وأحلف بحبك.. وليالينا الهنية.

بحبك بحبك.. يا روحي وعنيا.

         أخاصم وأصالح

ده أنا فكري وروحي معاك

وبتمنى ودك.

وإزاي بس راح أنساك

وأنا بحبك.

ولو يوم حتنسى.. وقلبك يقسى

حاصبر وأستنى.

لحد ما تصفى.. وقلبك ينسى

عهد خصامنا.

وأحلف بحبك.. وليالينا الهنية.

بحبك بحبك.. ياروحي وعنيا.

        أخاصم وأصالح

********

( 38 )

اسدل ستايرك يا ليل

……….

اسدل ستايرك يا ليل

عليا وواسيني.

وقول لبدرك يا ليل

أمانه ما يجيني.

إسدل ستايرك

واسي فؤاد محروم 

من الحب والنجوى.

ليله قسى وهموم

لا فرح ولا سلوى.

وقول لبدرك يا ليل

أمانة يا يجيني.

اسدل ستايرك يا ليل

اسدلها على ماضي

راح وأنقضى عهده.

خليني أعيش راضي

مع أيامي ويعدوا.

وقول لبدرك يا ليل

أمانة ما يجيني.

اسدل ستايرك يا ليل

يا ليل.. أنا حبيبك

وقلبي من سُمَّارك.

لا تسيبني ولا أسيبك

أسراري من أسرارك.

وقول لبدرك يا ليل

أمانة ما يجيني.

أسدل ستايرك يا ليل

عليا.. وواسيني.

اسدل ستايرك يا ليل

********

( 39 )

أنا وأنت

……….

أبداً.. عمري ما حنساك

لو طال البعد سنة.

ويايا وقلبي معاك

وأنا أنت.. وأنت أنا.

أبداً عمري ما حنساك

أنا أنت.. بقولها بقلبي

وأنا عارفة.. قلبك إيه.

لا في مرة حينكر حبي

ولا مرة بحب عليه.

ده أنا قلبي دليلي تمللي

عن أشواقك بيقوللي.

والروح هامت في هواك

ولا لك عن حبي غنى.

ويايا وقلبي معاك

وأنا أنت وأنت أنا.

أبداً عمري ما حنساك

أملي أنت في الدنيا

ومين يا حبيبي بينسى أماله.

لو طال العمر سنين

قلبي حيفضل على حاله.

وكفاية طيفك بيزورني

يقابلني ويصبرني.

وأسهر واتمنى لقاك

وخيالك يملاني هَنَا.

ويايا وقلبي معاك

وأنا أنت وأنت أنا.

أبداً عمري ما حنساك

وياك.. وياك على طول

ياحبيبي وروحي وحبي.

وإن كان قلبك مشغول

على إيه بتلاوع قلبي.

أحباب مهما راح يقولوه

والقلب بينسى للي يصونه.

وأبداً عمري ما حنساك

وإن فات العمر بطوله.

أبداً عمري ما حنساك

********

( 40 )

رُد لقلبي آماله

……….

رُد لقلبي آماله.. رُد

وأن جالك مرساله.. رُد.

حبيبي أنت.. ولحد إمتى

بُعدك بيشغل باله.. رُد.

        رُد.. رُد

رُد آمال ياما كنا سوا بنيناها

لا أنا نسيتها.. ولا كنت في مرة ناسياها.

واللي قالوه عزالك

إزاي يغير قلبك.

عاتب لمرة خيالك

حيوصيك على حبك.

عزالك عزالي.. رد

وإن جالك مرسالي.. رد.

   رد لقلبي آماله رد

لو تقابلني يكون مرسالي

عيوني إليك.

تحكي وتشكي وتبكي

وكل كلامها عليك.

أنت.. وإيه راح أقولك

أه منك يا شاغلني.

دمع عنيا يدلك

من غير ما تسألني.

أنا في عيوني سؤالك.. رُد

وإن جالك مرسالي.. رُد.

   رُد لقلبي آماله رُد

بُعدك.. آه من بُعدك.. آه

لكن.. راح أقولك إيه.

قلبي معاك.. وإزاي معرفشي

قلبك بيقسى عليه.

وحياتك.. لو جاني

روحي.. بتجري عليه.

ده عنادك وراني

مُر المر.. وبسألك ليه.

ليه حيرت خيالي.. رُد

وإن جالك مرسالي رُد.

  رد لقلبي آماله رد

********

( 41 )

عيني عليك

……….

عيني عليك عيني

يا أغلى من عيني.

أخرتها إيه قوللي

بينك بقى وبيني.

يا أغلى من عيني

عيني عليك.. خالي

وشغلتنا بحبك.

على القلوب غالي

وبيقسى ليه قلبك.

يا بدر سهرني

وياه وحيرني.

آخرتها إيه قوللي

بينك بقى وبيني.

يا أغلى من عيني

الخفة بسماتك

والرقة والفرحة.

داريها وحياتك

عين العزول جارحة.

خايف عليك.. منك

لو يوم ضحك سنك.

آخرتها إيه قوللي

بينك بقى وبيني.

يا أغلى من عيني

أبعت لي يوم نظرة

على البعد تسعدني.

خلي الهنا مرة

في العمر يواعدني.

محتار ومش قادر

والصبر له آخر.

آخرتها إيه قوللي

بينك بقى وبيني.

يا أغلى من عيني

********

( 42 )

نهاية غرام

……….

بعد ما لوعت قلبه

جي ليه تاني تراعيه.

ده أنت لو قلبك يحبه

كنت عمرك ما تجافيه.

الغرام غالي وغلاوته

في الوداد.

وأنت بتغير حلاوته

بالعناد.

قوللي ليه عودت قلبك

على الأسي وتغدر في حبك.

مين حبيبه في يوم غدر به

وإن رجع له.. بيواسيه.

ده أنت لو قلبك يحبه

كنت عمرك ما تجافيه.

جي تشكي طول بعاده

والخصام.

وأنت لما نسيت وداده

مش حرام.

يستحيل حتشوف حنانه

يعد تعذيبه وهوانه.

والحبيب إيه بس ذنبه

بيراعيك وتعيش ناسيه.

ده أنت لو قلبك يحبه

كنت عمرك ما تجافيه.

مين يصدق إنك أنت

بتواسيه.

إمتى كان لك قلب إمتى

بيراضيه.

اللي راح فيه الكفاية

والبعاد هو النهاية.

واللي شفته في عهد قربه

راح وعمرك ما حتلاقيه.

ده أنت لو قلبك يحبه

كنت عمرك ما تجافيه.

********

( 43 )

روح سيبني في حالي

……….

روح سيبني في حالي

روح ده أنا مش خالي.

بحب حبي.. ومهني قلبي

مالك بس ومالي.

  روح.. روح

غنوة وعشت معاها

عمري في يوم ما أنساها.

وأنا قبل ما أغنيها

قلبي كتير غناها.

عايشة معايا.. وعشت معاها

العمر بحاله.

فكرك يعني.. القلب حينسى

صفاه وآماله.

أبداً مهما جرالي.. برضه خيالي خيالي.

روح سيبني في حالي.. مالك بس ومالي.

                  روح.. روح

دنيا أمالي بعيدة.. عن دنية أحلامك.

جنة في عيني سعيدة.. يتنسيني هوا أيامك.

إنت هويت.. وأنا مالي.. بحُبَّك ليه أتحير.

إيه يرميك على قلبي.. ما تسأل قبلة وفكر.

فيه غيرك أبقى لي.. بصفاله ويصفالي.

روح سيبني في حالي.. مالك بس ومالي.

                  روح.. روح

روح وبقولها بقلبي

حتشوف ياما أسية.

حبي حيفضل حبي

وميصعبش عليا.

بيني وبينك.. مش راح أفكر

غير في هوايا.

قلبي معاه.. ومعاه أحلامي

وقلبه معايا.

غالي.. ودايماً غالي

ومعاه.. كل أمالي.

روح سيبني في حالي.. روح ده أنا مش خالي.

                    روح.. روح

********

( 44 )

احترت في حبك

……….

احترت في حبك.. لكن

ما يُهنش عليا أنساك.

وما دمت في قلبي ساكن

حتحمَّل كل أساك.

احترت في حبك 

شهور تهجر وتجافي

وأيام تروق وتصافي.

وأفضل على عهدك وافي

وسر بعادك خافي.

وما دمت في قلبي ساكن

حتحمل كل أساك.

احترت في حبك

بدموع العين براعيك

واخلص لك وأنت ظالمني.

ولا يوم باقدر أجافيك

وأنت بالهجر فاكرني.

وما دمت في قلبي ساكن

حتحمل كل أساك.

احترت في حبك

كل بعادك ما يطوِّل

بيزيد حنيني إليك.

وأحبك أكتر من الأول

وأحلم بجمال لياليك.

وما دمت في قلبي ساكن

حتحمل كل أساك.

احترت في حبك

********

( 45 )

اتعوض صبرنا

……….

اتعوض صبرنا.. ونسينا حبنا

معلهش يا قمر.

يوم لك.. ويوم لنا

وده يومنا لوحدنا

ويابخت من صبر.

  معلهش يا قمر

بتشكي.. وليه كده

بتعمل كل ده

مش أنت السبب.

مين رخَّص حبنا 

مين باع قلبنا 

صحيح أمرك عجب.

تحرمنا من الهنا 

وبتشكي مننا

معلهش يا قمر.

يوم لك.. ويوم لنا

وده يومنا لوحدنا

ويا بخت من صبر.

  معلهش يا قمر

إيه شفته في دنيتك

غير كتر ملاوعتك

وده كله يتنسى.

خليك على وحدتك

دي النار ولا محبتك

ليه نرجع للأسى.

نعيمنا وفرحنا

في بعادك عننا

معلهش يا قمر.

يوم لك.. ويوم لنا

وده يومنا لوحدنا

ويا بخت من صبر.

  معلهش يا قمر

أحلامنا في الهوى

أهي راحت في الهوا

في عز وقتها.

وفرنا دمعنا

وقدنا شمعنا

والشوق راح وانتهى.

خلاص ما بيدنا

خلينا في بعدنا

معلهش يا قمر.

يوم لك.. ويوم لنا

وده يومنا لوحدنا

ويا بخت من صبر.

  معلهش يا قمر

********

( 46 )

شوف مين

……….

أنا حلفتك بجمالك

مش ممكن أظلمك.

لكن إن سقت في دلالك

شوف مين حيكلمك. 

      شوف مين

مخلص لك طول حياتي

وباحبك قد قلبي.

ولا بانسى ذكرياتي

ولا عمري حنسى حبي.

ولو كلامهم يمنعك

الشوق حيرجعك.

لكن إن سقت في دلالك

شوف مين حيكلمك.

      شوف مين

قلبي وقلبك في جنة

آمالنا بتراعيها.

وطيرها الشادي غنى

أيام هنانا فيها.

وحلفت ما حيرك..

وإيه مني يغيرك.

دي آمالي هي آمالك

وبقلبي بكلمك.

لكن إن سقت في دلالك

شوف مين حيكلمك.

      شوف مين

خيالك نور عيوني

وحسنك روح فؤادي.

ومهما حيلموني

ما انساش حبي وودادي.

ده خيالك غنوتي

وفي قربك فرحتي.

لكن إن سقت في دلالك

شوف مين حيكلمك.

     شوف مين

********

( 47 )

غريب يا نسمة

……….

يا نسمة من نواحيهم جاية

يا هلترى.. سألوكِ عليا.

خايف يا نسمة يكونوا نسوني

والغربة قاسية ومش بأديا.

      غريب يا نسمة

الغربة طالت.. والشوق فاض بي

والسهد طوِّل.. والليل مواعدني.

ما فضلش باقي يا نسمة في قلبي

من الصبر شيء يقدر يساعدني.

علي الوحدة مش قادر

والشوق مالوش آخر.

والغربة قاسية ومش بأديا

يا نسمة من نواحيهم جاية.

        غريب يا نسمة

إن كان عليكِ يا نسمة أمانة

وصيتك تحكي لهم عن حالي.

عيوني مع الأوهام سهرانة

والفكر توه لي خيالي.

هايم بأشجاني

والحيرة فاكراني.

والغربة قاسية ومش بأديا

يا نسمة من نواحيهم جاية.

       غريب يا نسمة

غريب.. وإيه في الغربة يا نسمة

يقدر يواسي القلب شوية.

كفاية إسمي غريب.. ودي قسمة

أه منها أه.. ومن دمع عنيا.

يا مين يصبرني.. على شوق مسهرني.

والغربة قاسية ومش بأديا

يا نسمة من نواحيهم جاية.

       غريب يا نسمة

********

( 48 )

إحنا الأتنين

……….

إحنا الأتنين مجاريح

مجاريح والهوى رمانا.

على قلب حنين وصريح

مجروح في الهوى ويانا.

  إحنا الاتنين مجاريح

تعالى نجمع شملنا

ونحقق أحلام عمرنا.

والماضي نرميه ورا ظهرنا

ونفرح ونتهنى بحبنا.

ده إحنا الأتنين مجاريح

مجاريح والهوى رمانا.

علي قلب حنين وصريح

مجروح في الهوى ويانا.

إيه لسه باقي في عمرنا

علشان يضيع في حرمان وشجن.

هو إحنا بس لوحدنا

اللي الحزن في قلوبنا سكن.

دي الدنيا مليانه قلوب

صبرت ونالت أمانيها.

يا بخت من بات مغلوب

وما باتش غالب فيها.

إحنا الأتنين مجاريح

ياقلبي أديك نلت مرادك

وقابلك حبيب يداوي جراحك.

توده ويودك ويحفظ ودادك

ويشاركك هناك يفرح لأفراحك.

دا أحنا الأتنين مجاريح

مجاريح والهوى رمانا.

على قلب حنين وصريح

مجروح في الهوا ويانا.

 إحنا الأثنين مجاريح

********

( 49 )

رايح فين

……….

رايح فين.. وأنا مش وياك

يا تخليك.. ياتاخدني معاك.

          رايح فين

رايح فين.. ومسافر وحدك

قاسية ليالي الغربة عليك.

لا أنت حتنسى هوى اللي يودك

ولا أنا عيوني حتنسى عنيك.

طيفك أبداً ما يصبرني

مهما يجيني ومهما يزورني.

يا تخليك يا تاخدني معاك

رايح فين وأنا مش وياك.

         رايح فين

دنيا جميلة وإيه حلاوتها

من غير قلب حبيب يراعيك.

قربه يتمم لك بهجتها

ويزيد صفوك ويهنيك.

رايح فين وفايت لي غرامك

وأنسى إزاي حبي وأيامك.

ياتخليك يا تاخدني معاك

رايح فين وأنا مش وياك.

        رايح فين

روض الحب جمالك نوَّره

وأنت حبيبه وفايته لمين.

ياما رعيت بالود زهوره

من حسادك واللايمين.

أنت حبيبي.. وحبك جنة

أرجع.. عود لي.. خليني أتهنى.

يا تخليك.. يا تاخدني معاك

رايح فين.. وأنا مش وياك.

           رايح فين

********

( 50 )

دارينا

……….

دراينا.. دارينا.. وقلنا انتهينا

أتاري الليالي.. بتدوَّر علينا.

والماضي شاغلنا.. رحنا معاه وجينا.

والعزول قابلنا.. من عيونه إدارينا.

           دارينا.. دارينا

الماضي اللي راح.. بين حلوه ومره.

إزاي ورده فتَّح.. من جديد بنظرة.

والشوق فات ندهنا.. خدنا معاه وتُهنا

وابتسمت عنينا.. ورجعنا اتصافينا.

والعزول قابلنا.. من عيونه إدارينا.

            دارينا.. دارينا

في عيون الأماني.. كنا حلم غالي.

لا خيالك نساني.. ولا فاتك خيالي.

والأيام خانتنا.. والأفراح فاتتنا.

وفي صدفة إتلاقينا.. ورجعنا اتصافينا.

والعزول قابلنا.. من عيونه إدارينا.

           دارينا.. دارينا

قوللي كتير وياما.. عن حبك وحبي.

نسيني الملامة.. وأسعد تاني قلبي.

إنسى الماضي إنسى.. حنشوف ياما لسة.

ده الحب مراعينا.. ورجعنا اتصافينا.

والعزول قابلنا.. من عيونه إدارينا.

              دارينا.. دارينا

********

( 51 )

من حبك .. حبه

……….

من حبَّك.. حِبُّه ياغالي

مش طالبة كل فؤادك.

على بالي هواك على بالي

والصبر.. إزاي في بعادك.

 من حبك.. حبه يا غالي

مكتوب على قلبي يحبك

وهواك من قسمة عمري.

وقابلت قساوة قلبك

فاحترت في أمره وأمري.

بالوحدة سعيد متهني

ولا عمره بيسأل عني.

من حبك.. حبه يا غالي

أنا بيك.. بعرف أيامي

وبحب حياتي علشانك.

أوهب لي في يوم يا غرامي

نسمة من بحر حنانك.

أو بسمة تمر عليا

في الحلم تناجي عنيا.

من حبك.. حبه يا غالي

أشواقي بدموعي واسيتها

وباصبر قلبي.. بروحي.

وليالي الوحدة قاسيتها

ونجومها شهود علي نوحي.

وإن قلت حتعطف يمكن

أيامي تقول مش ممكن.

من حبك.. حبه يا غالي

مش طالبة.. كل فؤادك

********

( 52 )

فكر بقلبك

……….

فكر بقلبك

وجاوبني الأول.

راح توفي بوعدك

ولا حتتحول.

فكر بقلبك

من قبل ما تسألني

أسأل قلبك عني.

واحكي لي وطمني

إيه حيقولك.. فهمني.

راح يوفي بوعده.. ولا حيتحول.

ويصون عهده.. في الآخر والأول.

             فكر بقلبك

أنا خايفة يكون

ده كله كلام.

تهجرني وتخون

عشرة الأيام.

وما توفي بوعدك

وقلبك يتحول.

وبين صدك وبعدك

عذابي يطوِّل.

واسأل قلبك عني

راح يوفي بوعده.. ولا حيتحول.

ويصون عهده.. في الآخر والأول.

              فكر بقلبك

خلي طيفك لما يجيني

يشرح لي شوقك وحبك.

ويطمن قلبي ويرضيني

زي ما حبي مطمن قلبك.

خليه هو اللي يتكلم

ويشرح لي حبه وغرامه.

أرجوك ما تيسبهوش يتألم

طول لياليه وأيامه.

واسأل قلبك عني

راح يوفي بوعده.. ولا حيتحول.

ويصون عهده.. في الآخر والأول.

              فكر بقلبك

********

( 53 )

مش عارفة

……….

مش عارفه إيه أخرتها معاك

وإيه أخرة عذاب قلبي وياك.

عمال تهجر وأنا بترجاك

ومهوداك تمللي على هواك.

ومش عارفة إيه أخرتها معاك

في يوم تحن وتعطف

ويوم تهجر وتجافي.

وترجع تاني وتحلف

وتقول أوعي من حبي تخافي.

وأصبر وأهاودك على حالك

وترجع تتغير.. وتسوق في دلالك.

وعمال تهجر وأنا بترجاك

وبسيبك تمللي على هواك.

ومش عارفة إيه أخرتها معاك

قلبك ملاوع قلبي تمللي

ومخليه في حيرة وهوان.

وإن جيت أعاتبك تقوللي

خليكي معايا زي زمان.

وأصبر وأهاودك علي حالك.

وترجع تتغير وتسوق في دلالك.

وعمال تهجر وأنا بترجاك

وبسيبك تمللي علي هواك.

ومش عارفة إيه أخرتها معاك

تشكي لي حالك.. وأسمع منك

وتصعب عليا يا حبيبي.

ولما اشكي لك.. تهرب مني

وأقول معلش.. كده نصيبي.

وأصبر وأهاودك على حالك

وترجع تتغير وتسوق في دلالك.

وعمال تهجر وأنا بترجاك

وبسيبك تمللي على هواك.

مش عارفة إيه أخرتها معاك

********

( 54 )

أنت عارف

……….

ما أنت عارف.. وأنا عارف

أمال من إيه بقى خايف.

لما أنت عارف أني بحبك

عارف وتمللي محيرني

ومحير قلبي بسؤالاتك.

والليل بطوله مسهرني

أقلب.. وأعاير.. في آهاتك.

وأفكر في سؤالك

وأحضَّر له جواب.

وأخاف أقول هولك

لتحسبه يعني.. عتاب.

أمال من إيه بقي خايف

لما أنت عارف.. وأنا عارف.

          أني بحبك

من أول نظرة

عشقت عيوني عيونك.

وما فيش ولا مرة

بكلامي سببت شجونك.

وتمللي مهاودني.. وأنا مهاوداك.

وإن يوم تواعدني. تلاقيني بستناك.

أمال من إيه بقي خايف

لما أنت عارف وأنا عارف

          إني بحبك

أيام بكلامك تشجيني

وتطمن قلبي بحبك.

وأيام تلاوعني وتشقيني

وتحرمني حنية قلبك.

وتخليني أحتار.. وأسأل طيفك

وأبقى ليل ونهار.. نفسي أشوفك.

أمال من إيه بقي خايف

لما أنت عارف وأنا عارف.

        إني بحبك

********

( 55 )

لك عندنا إيه

……….

لك عندنا إيه

وإيه لنا عندك.

وبتعاتبنا ليه

خليك على عِندك.

  لك عندنا إيه

كان بينا غرام

وراح مع الأيام.

لا بقى لنا كلام

ولاحتى ملام.

ونستنا ورحت لحالك

لا أنت في بالنا

ولا أحنا في بالك.

ونعاتبك ليه.. خليك علي حالك.

           لك عندنا إيه

كتَّرت أساك

وصبرنا ياما وياما معاك.

لا عرفنا هواك

ولا شفنا فرح يوم وياك.

أيامك إيه كان فيها

ما تفكرنيش تاني بيها.

ونعاتبك ليه.. خليك علي حالك.

           لك عندنا إيه

خلينا بعيد

على إيه بقي.. حنقول ونعيد.

لعذابنا يزيد ويزيد

ونقاسي من أول وجديد.

وحياتك توفر بقى عتابك

لا أنت حبيبنا.. ولا أحنا بقينا أحبابك.

ونعاتبك ليه.. خليك على حالك.

           لك عندنا إيه

********

( 56 )

تالت مرة

……….

تالت مرة أحس بقلبك

راضي عليا.

رديت روحي بكلمة أحبك

قد عنيا.

         تالت مرة

تالت مرة يسعدني زماني

وأنت بقربي.

قوللي بحبك.. قول من تاني

وفرح قلبي.

قول من قلبك.. قول يا غرامي

قول نستني هوان أيامي.

رديت روحي بكلمة أحبك

قد عنيا.

تالت مرة أحس بقلبك

راضي عليا.

       تالت مرة.

أيام حبك.. سحر ونجوى

بتهنيني.

إيه الدنيا يا روحي حتسوى

لو تجافيي.

قول طمن قلبي زيادة

خلي شموع الهنا منقادة.

رديت روحي بكلمة أحبك

قد عنيا.

تالت مرة أحس بقلبك

راضي عليا

       تالت مرة.

فين اللايم.. فين يسمعنا

فين عزالنا.

ليل الورد في نوره جمعنا

وارتاح بالنا.

ومع الفرحة منور خدي

أنت حبيبي وحبي لوحدي.

رديت روحي بكلمة أحبك

قد عنيا.

تالت مرة أحس بقلبك

راضي عليا.

      تالت مرة

********

( 57 )

أنا مالي ومالك

……….

على كيفك.. خليك على حالك

كده طبعك وأنا مالي ومالك.

خليك على حالك.. وأنا مالي ومالك

حبيتك وأهي أيام راحت

من عمري وندمت عليها.

وعيوني من الدمع ارتاحت

وعرفت الوحدة ومعانيها.

وأنت يا أوهامك..

سهرت ودمعك في عيونك

ولا عرفت الحب ومعانيه.

حيرت غرامك بكتر شكك وظنونك

ملكش قلب.. وأحبك ليه.

خليك على حالك.. كده طبعك.

        وأنا مالي ومالك

الوردة الزاهية اللي في خدك

مقدرش أوصف لك حلاوتها.

وحتجني عليها أنت لوحدك

علشان مش عارف غلاوتها.

دي في عز ربيعها.. تحرمها ليه من الجنة

ومن قلب يهواها ويهواك.

وإن كنت بايعها.. دي صعبانة عليا

وحإعمل إيه في صدك وجفاك.

خليك على حالك.. كده طبعك.

       وأنا مالي ومالك

مين قال لك حسنك حيدوم لك

خلاك تتعاجب بقوامك.

لا بتعرف إيه المقسوم لك

ولا كل الأيام.. أيامك.

كام قلب ياما إتألم

وكام جميل خانه زمانه.

بعد النعيم يا خوفي عليك

ترجع تندم.. والورد يدبل قبل أوانه.

وتشوف أساك بعنيك

وقلبك يا قاسي.. علي إيدك يبقى هوانه.

بكره حتندم.. وشبابك تطويه أحزانه

وينساك الفرح وأيامه.

خليك على حالك.. كده طبعك.

        وأنا مالي ومالك.

********

( 58 )

اكتب لك إيه

……….

إيه اللي ح أقوله.. أو إيه ح أكتب لك

يا حارمني حنانك.

ده أنا ليلي بطوله سهران بحسب لك

أيام هجرانك.

وأكتب لك إيه.. إيه ح أكتب لك

سهرانة وبسطَّر أشواقي.. بدموعي

وبشرح لك حبي.

ويا ريت توصف لك أوراقي

إيه نار الشوق اللي في قلبي.

أنت اللي شاغلني.. وأنت اللي ناسيني

لا في يوم تقابلني.. ولا يوم تواسيني.

ده أنا ليلي بطوله.. سهران بحسب لك

أيام هجرانك.

وأكتب لك إيه.. إيه ح أكتب لك

جواباتي كتير.. وباقول فيها

من قلبي هوايا.. وأشجاني.

وآمالي في بعدك باحكيها

وتعود لي أحلام وأماني.

والليل بيطِّول.. ودلالك هوا

وأنت لا بتتحول.. ولا عندك دوا.

وأنا ليلي بطوله سهران بحسب لك

أيام هجرانك.

وأكتب لك إيه.. وإيه راح أكتب لك

إسألني عليا.. وليه تسأل عزالي

وتسمع لكلامهم.

علي قد غرامك لو تتقل

أنا حاتقل وأصبر لملامهم.

وبدمعي راح أكتب لك

وأشرح لك حالي.

وأتمنى الشوق يوصل لك

وتفهم أحوالي.

ده أنا ليلي بطوله سهران بحسب لك

أيام هجرانك.

وأكتب لك إيه.. وأيه راح أكتب لك.

********

( 59 )

أيوا هويتك

……….

أيوا.. أيوا هويتك.. أيوا.

أيوا.. أيوا بقولك حبيتك.. أيوا.

           أيوا.. أيوا

سحر عيونك.. خدني في دنيا 

جديدة عليا.

دنيا جميلة.. أمل وأماني

هنا وحنية.

حلم وشفته حقيقة.. أيوا.

طول عمره عايش في خيالي.. أيوا.

واتحقق لما حبيتك.. أيوا.

         أيوا.. أيوا

لما شكيت لك وحدة قلبي

ضمتني لقلبك.

ف إزاي قوللي.. أقدر أخبي

وأتحمل بعدك.

أنت حياتي وروحي وحبي.. أيوا.

ضي هواك بينور قلبي.. أيوا.

          أيوا.. أيوا

أيوا أمانة عليك غني لي

وكتر ياما.

قول عن قلبي وقلبك وأحكي

ولا تخشى ملامة.

إيه اللوم حيفيد.. أيوا.

وأنا قلبي سعيد.. أيوا.

 أيوا.. بحبك.. أيوا

********

( 60 )

حب وفكر وغيرة

……….

حب وفكر وغيرة

حيرة ما بعدها حيرة.

ليه ترضاها يا قلبي

فضك من دي السيرة.

 حب وفكر وغيرة

دنيا الحب جمالها

كله عذاب يا فؤادي.

مالك بس ومالها

ليه تهوي الدنيا دي.

غيرك برضه هواها

تاه واحتار فيها.

حيرة ما بعدها حيرة

حب وفكر وغيرة.

فضك من دي السيرة

إيه في الوحدة قاسيته

نساك راحة بالك.

حبيت وإيه اللي رأيته

في الحب غيَّر حالك.

شكوى وكنت ناسيها

ودموعك إزاي تداريها.

وحيرة ما بعدها حيرة

حب وفكر وغيرة.

فضك من دي السيرة

إهدى يا قلبي كفاية

شفنا كتير من الماضي.

توبة رددها معايا

وعود للوحدة وكون راضي.

والأشواق أنساها..

يوم ورا يوم راح ننسى أساها.

مالنا ومال الحيرة

حب وفكر وغيرة.

فضك من دي السيرة

********

( 61 )

أشهد يا جماله

……….

أشهد يا جماله.. على كتر دلاله.

شوف حبي وحبه.. وأشهد يا جماله.

أنت اللي شاغلت عيوني

خلتني بروحي أحبك.

سحرك وبهاك ظلموني

وفاتوني لقسوة قلبك.

غدار.. وحبك حكاية

وراني كتير في هوايا.

شوف حبي وحبه

ولهفتي على قربه.

  واشهد يا جماله

بيجيني إن كان يواعدني

علشان أشرح له غرامي.

وأحكي له.. وأقول يسعدني

ألاقيه بيزيد في ألامي.

أتاريه بيحب دموعي 

وأنا دمعي بيكوي ضلوعي.

غدار.. وحبك حكاية

وراني كتير في هوايا.

شوف حبي وحبه

ولهفتي على قربه.

 وأشهد يا جماله

معلش سماح يا فؤادي

أنا برضه الحق عليا.

ده الشوك في الورد النادي

بيجرح من غير حنية.

أصبر.. ونشوف نهايتها

مين عارف إيه أخرتها.

غدار وحبك حكاية

وراني كتير في هوايا.

شوفي حبي وحبه

ولهفتي على قربه.

واشهد يا جماله

********

( 62 )

يا هلترى

……….

يا هلترى تقوللي إيه

عن حبنا..؟ ولا إيه.

ولا في قلبك سر مخبيه

عني يا حبيبي.. وليه مداريه.

            يا هلترى

قول يا حبيبي اللي عايز تقوله

ما تخبيش عني حاجة.

ده أنا ما بنام الليل بطوله

ولقربك يا روحي محتاجة.

ولا في قلبك سر مخبيه

عني يا حبيبي ولا إيه.

       يا هلترى

دي الكلمة منك مهما تكون

بترضي روحي وتفرحني.

وعلشان بحبك كله يهون

قول يا حبيبي وريحني.

ولا في قلبك سر مخبيه

عني يا حبيبي ولا إيه.

        يا هلترى

وحياتك.. وحياة قلبي

ما تشوقنيش أكتر من كده.

خليني اتهنى بحبك

ده أنا من زمان على كده متعودة.

ولا في قلبك سر مخبيه

عني يا حبيبي ولا إيه.

      يا هلترى

********

( 63 )

اسأل تمللي

……….

من خوفي عليك.. بسأل تمللي

وأقول يا حبيب الروح.. أبقي أسأل عني.

                 أسأل تمللي

أسأل يوماتي.. ولا تنساش ميعادي.

حلفتك بحياتي.. فكر في ودادي.

ده أنا حيرانة.. أفكر في دنيا هواك.

ليلي سهرانه.. هايمة بخيالي معاك.

وأقول يا حبيب الروح.. أبقى أسأل عني.

                 أسأل تمللي

إن مر يوم.. وما سألتش عليك.

أشكي للنجوم.. شوقي إليك.

ويفوت عليا اليوم والساعة بسنين.

ودموع عنيا تفضحها الحيرة والأنين.

وأقول يا حبيب الروح.. أبقى أسأل عني.

                   أسأل تمللي

سمعني صوتك تمللي.. ورد لي روحي.

وأسقيني من شهد حبك.. وخفف لي جراحي.

بتفكر فيا.. ولا في بُعدي بتنساني.

وبتخاف عليا.. زي ما براعيك بوجداني.

                   أسأل تمللي

أسأل يوماتي... ولا تنساشي ميعادي

حلفتك بحياتي... فكر في ودادي.

ده أنا حيرانه... بفكر في دنيا هواك

وبقول يا حبيب الروح... أسأل تمللي.

                  أسأل تمللي

********

( 64 )

كتير يا حب عليا

……….

الحلو فين أداريه

في قلبي ولا عنيا.

غالي وفرحان بيا

ده كتير يا حب عليا.

  الحلو فين أداريه

حبيبي والإخلاص طبعه

وعمري ما عرفت خصامه.

والصفو دايماً أقرب له

والود نوَّر لي غرامه.

جميل بيعشق كل جميل  

من الحسن.. فؤاده يميل.

بين الزهور ألاقيه

يسأل غصونها عليا.

غالي وفرحان بيا

وبحبه قد عنيا.

الحلو فين أداريه

لو غنى ألقى الدنيا دي

فرحانة بتنشد أنغامه.

وإن مال على الزهر النادي

أغصانه ترقص لقوامه.

والنسمة بتهفهف حواليا 

تتمنى تداعبه بحنية.

وتقول له مالك شارد ليه

داري المحبة شوية.

غالي وفرحان بيا

ده كتير يا حب عليا.

الحلو فين أداريه

********

( 65 )

يا سلام .. يا سلام

……….

يا سلام.. يا سلام على دي البسمة

حلاوتها أرق من النسمة.

خدتني معاك.. على شط هواك

ورضيت بالمكتوب والقسمة.

    يا سلام.. يا سلام

أيامي في سحر ابتساماتك

ضحكت لي.. وأنا فرحت معاها.

دي حياتي وبحلف بحياتك

لو أنسى الدنيا ما حنساها.

وياها غرامي وإلهامي

 يا سلام.. يا سلام.

وجمالها بيسعد أحلامي

ياسلام.. يا سلام.

وخدتني معاك.. على شط هواك

ورضيت بالمكتوب والقسمة.

    يا سلام.. يا سلام

النور الزاهي علي جبينك

بيقصر ليل سهدي عليا.

والكحل النعسان في عيونك

بيصحي الأفراح في عنيا.

والشوق في طريقك بياخدني

يا سلام.. يا سلام.

ويواعدك ويعود يواعدني

يا سلام.. يا سلام.

وخدتني معاك.. علي شط هواك

ورضيت بالمكتوب والقسمة.

    يا سلام.. يا سلام

********

( 66 )

كل القلوب

……….

كل القلوب اتهنت

إلا أنت يا قلبي.

ونالت كل ما أتمنت

في الحب وإيه ذنبي.

    كل القلوب

الحب نوَّر لياليهم

وجمعهم في مواعيد الغرام.

يسعدوا ويفرحوا بأمانيهم

ويطول ما بينهم الهيام.

وأنت يا قلبي اللي وحيد

محتار في الوحدة بآمالك.

واللي هويته مجافيك وبعيد

ولا يوم بيروق لك ويصفى لك.

     كل القلوب اتهنت

ما قلت لك يا قلبي انساه وتعالى

نعيش حياتنا بعيد عن حبه.

ده بيقسى علينا ويتعالى

والمكر دايماً من طبعه.

ده حيَّرك واحترت معاه

وعناده أبداً مالوش آخر.

غامض وكل ما تجري وراه

حيعند زيادة ويتأمر.

كل القلوب اتهنت

إرضى بنصيبك وطاوعني

وفضنا من دي السيرة.

بلا حب بلا غيرة.. هاودني

عمرنا حيضيع في دي الحيرة.

بطل تشتاق له

وانسى حبه وهواه.

ياما بكره حتشوف فيه

وحييجي يترجاك تهواه.

  كل القلوب اتهنت

********

( 67 )

ليالي العمر

……….

يا ليالي العمر.. قولي لي

إيه بعد ده كله.. باقي لي.

       يا ليالي العمر

إيه لسه باقي في الدنيا

من بعد كل اللي جرالي.

يا هلترى أوهام تانية

ولا الزمن يسعد حالي.

ويعود لي هنايا

من بعد أسايا.

وأفرح وينور ليلي

يا ليالي العمر قولي لي.

      يا ليالي العمر

صبرت.. وياما طال صبري

ما بين آمالي وأحلامي.

وبدموعي.. بروي زهور عمري

ويا خوفي تدبل أدامي.

إمتي حتهنالي.. بعبيرها الغالي.

وأفرح وينور ليلي

ياليالي العمر قولي لي.

      يا ليالي العمر

إمتي أشوفك مبتسمة

وأقيد مع الفرحانين شمعي.

ولا القسي هو القسمة

وحافضل مع السهد ودمعي.

حيران في صباحي.. إمتي انسى جراحي.

وافرح وينور ليلي

يا ليالي العمر قولي لي.

      يا ليالي العمر

********

( 68 )

الرد جاني

……….

رد الجواب جاني

من اللي ملك قلبي.

يا دنيا من تاني

هنيني على حبي.

رد الجواب جاني

بعت لي.. بيقوللي استني

لحد بكرة.. ونتقابل.

وأنا وأنتي حنعيش في الجنة

من غير قيود وسلاسل.

وراح أرويك بحبي

وأحط قلبك جوه قلبي.

رد الجواب جاني

من اللي ملك قلبي.

 رد الجواب جاني

سلامات وأشواق وأماني

متزوقة بورد وشوق متعطر.

وحب وسلام وتهاني

وبسحر أنغامه متسطر.

ده أغلى أسراري

وعليها بحافظ وبخبي.

رد الجواب جاني

من اللي ملك قلبي.

رد الجواب جاني

********

( 69 )

من تاني ليه

……….

ليه تاني ليه

راجع تشاغلني.

إيه قصدك إيه

قوللي وطمني.

  من تاني ليه

أنا كنت جفيتك ونسيتك

ونسيت أيامي معاك.

ليه شفتك تاني وحبيتك

والقلب رجع لهواك.

إيه قصدك إيه

قوللي وطمني.

من تاني ليه

راجع تشاغلني.

  من تاني ليه

هجرتني.. وفتك على كيفك

لحد ما تصفى وتشتاق لي.

ولما كان يزورني طيفك

أتحايل وأتحايل على صبري.

إيه قصدك إيه

قوللي وطمني.

من تاني ليه

راجع تشاغلني.

  من تاني ليه

راجع تصفى لي وتنسى اللي كان

في هجرانك ليا.

ولا فاكر إن الشوق والحرمان

نسوني الخصام والأسية.

إيه قصدك إيه

قوللي وطمني.

من تاني ليه

راجع تشاغلني.

  من تاني ليه

********

( 70 )

كيف ارتاح

……….

خد الجميلة ورد وتفاح

والشعر ليل.. وجبينها صباح.

دي حيرتني.. ولو نستني كيف ارتاح

أنا كيف ارتاح.

 خد الجميلة

حلجان طارت في ودانها يا خال

حياكلوا جطعات منيها.

ويا عيني لو شفت الخلخال

فرحان بيتعاجب بيها.

يشن.. يرن

وأنا أفضل أون

وكيف ارتاح.

دي حيرتني.. ولو نستني كيف ارتاح

أنا كيف ارتاح.

 خد الجميلة

أول ما ريتها فضلت أجول

يا ريتني شفتها من بدري.

وفضلت أزعط كده علي طول

علي اللي روَّح من عمري.

وإن جيت للحق

خلاص راح أطج

وكيف ارتاح.

بشب وألب..

وأهب وأحب

وكيف أرتاح.

دي حيرتني.. ولو نستني

كيف ارتاح.. أنا كيف ارتاح.

         خد الجميلة

يا حب شربت.. كتير ونهجت

وكيف ارتاح.

سهرت آوِن.. وقلبي يحن

وكيف ارتاح.

دي حيرتني.. ولو نستني

كيف ارتاح.. أنا كيف ارتاح.

          خد الجميلة

********

( 71 )

مهما بعادنا يطول

……….

أنا مهما بعادنا يطول 

حعيش على الأمل على طول.

وأغَني وأعيد من الأول

مشغول أنا بيك مشغول.

  مهما بعادنا يطول

حأغني ليل ونهار

وأشغل أوقاتي بحسنك.

وأقطف من روض الأزهار

وارسم عليها حروف أسمك.

وأصبَّر قلبي المشتاق

بجمالك وأنت بعيد.

وأقول له بعد الفراق

أيامك حتكون عيد.

وأغني لطيفك وأقول

مشغول أنا بيك مشغول.

  مهما بعادنا يطول

أمل حيفضل في خيالي

وحعيش بيه طول عمري.

لحد ما تعود لي يا غالي

وأحقق معاك أملي.

وأتهني وأنا وياك

ويتم لقلبي هناه.

وأسعد بليالي صفاك

وينول القلب مناه.

وأغني لطيفك وأقول

مشغول أنا بيك مشغول.

   مهما بعادنا يطول

الماضي عمري ما حنساه

طول ما أنت بعيد عني.

حأعيش وأجدد ذكراه

طول ما طيفك قريب مني.

وأجني ورد حبنا

على نور الأمل البسام.

وأصوَّر ليالي الهنا

وأعيش معاك أنا في الأحلام.

وأغني وأقول لطيفك

مشغول أنا بيك مشغول.

   مهما بعادنا يطول

********

( 72 )

روح قول

……….

روح قوله وقول.. بهواك مشغول

يا نسيم نادي.

وكيد كل عزول بهوانا وقول

الزين بيحبك يا فؤادي.

    روح قوله وقول

روح قوله ده إليك مشتاق

وداعب خدوده الوردية.

وأحكي له على الشوق والأشواق

وسلم على عيونه العسلية.

أمانه عليك ما تنسى

يا نسيم العصرية.

ده حبيبي وروحي ولسه

عمره ما غدر بيا.

وكيد كل عزول.. بهوانا وقول

الزين بيحبك يا فؤادي.

   روح قوله وقول

روح قوله.. آن الأوان

والفرح ميعاده قريب.

وبكره حيروق الزمان

وتتهنى بقرب الحبيب.

وقوله حنحقق الأماني

أمانة يا نسيم العصرية.

وحبنا حيبقي أغاني

وربيع زهوره ندية.

وكيد كل عزول.. بهوانا وقول

الزين بيحبك يا فؤادي.

   روح قوله وقول

روح قوله ده مشغول بيك

في كل دقيقة وثانية.

وبيحلم بجمال لياليك

وناسي هموم الدنيا.

وما فيش في باله غيرك أنت

أمانة يا نسيم العصرية.

ده اليوم بيعدي عليا بسنة..

وأكتر وحياتك شوية.

  روح قوله وقول

********

( 73 )

ارجع .. ارجع

……….

ارجع.. ارجع

عن اللي عملته.

وأفهم.. واسمع

اللي أنا قلته.

ارجع.. ارجع

روض الغرام اللي جمعنا

هناك طيوره بتندهنا.

وتطل عا العش بتاعنا

وبتسأل إيه اللي منعنا.

وتحكي قصة هوانا

لكل عاشق شوية.

وأيام فرحنا ولقانا

إزاي حتنساها هي.

وافهم واسمع

اللي أنا قلته.

ارجع.. ارجع

القلب ساكنه أنت لوحدك

وأنت آماله وأفراحه.

وليه تزيد ناره بعندك

وتزيد آلامه وجراحه.

ده أمله مرة تواسيه

بكلمة حلوة يا غالي.

وتعود له تاني تصافيه

وأشوف هنايا وآمالي.

وافهم واسمع

اللي أنا قلته.

ارجع.. ارجع

ارجع خلي أيامنا تحلا

وبلاش تتمادى في خصامك.

جرب وشوف أنهو الأحلى

الحب واللا الهجر اللي ضيعت فيه أيامك.

ده أنا لسه برضه قلبي شاريك

وباقي على عهد الهوى.

لكن لو يوم فكر يجافيك

عمر الحب ما حيجمعنا سوا.

        ارجع.. ارجع

********

( 74 )

علي عينك يا عزول

……….

قاللي بحبك قاللي

وكتير ما يقول.

ويعيدها لي تمللي

على عينك يا عزول.

على عينك يا عزول

الهجران أوهامه

راحت ما بقاش منها.

والود وأنغامه

فرحة وجت في أوانها.

واللي شاغلني بعاده

جاني وعاد لوداده.

على عينك يا عزول

القلب اللي غرامه

ورَّاه سهد كفاية.

أهو ضحكت أيامه

ويا محلاها نهاية.

فرحة وباينة عليا

نورها يهني عنيا.

على عينك يا عزول

يا عزول مالك بينا

مش أحسن تنسانا.

وتفوتنا في أمانينا

ليه مشغول بهوانا.

ياما كنا بنتمنى

ودلوقت بنتهنى.

على عينك يا عزول

********

( 75 )

محتارة يا ليالي

……….

ما بين حبي وآمالي

محتارة يا ليالي. 

مش عارفة كده مالي

قلقانة مشغول بالي.

   محتارة يا ليالي

خايفة تكون أحلام

عايشة أنا فيها.

أصحى.. ألاقي ألام

ليا الزمن مخبيها.

وأقاسي الوحدة من تاني

وأحتار يا ليالي.

وحبيبي يهجرني وينساني

وأعيش ويا أحزاني.

   محتارة يا ليالي.

حبي وفي قلبي داريته

وعن الدنيا خبيته.

واللي بحبه وهويته

نساني كل اللي قاسيته.

خايفة من إيه بقى

ومحتارة يا ليالي.

قولي لي مش عارفة

بحلفك يا ليالي.

  محتارة يا ليالي

الفرح أيامه بتجري

من حواليا.. وأنا ناسياها.

ويا ريت أوهامي تفوتني

وأفرح وأتوه وياها.

وبالي يصفى ويرتاح

واتهنى يا ليالي.

وأعيش للأفراح

ويَّا حبيبي الغالي.

  محتارة يا ليالي

********

( 76 )

عيني على المجروح

……….

عيني على المجروح

اللي اتظلم قلبه.

شاكي منين ما يروح

باكي عذاب حبه.

عيني على المجروح

أيام وكانت نور

وسحر الحب صاينها.

نجوى ورضا وسرور

والفرح فاض منها.

راحت وفايتة لي

أشواقي تحيرني.

وتمر على بالي

أوهام تسهرني.

وأبكي منين ما بروح

وأشكي عذاب حبي.

عيني على المجروح

اللي اتظلم قلبه.

عيني على المجروح

أحلفك يا نجوم

تحكي لي عن دمعي.

صابر على اللي يلوم

باكي ضيا شمعي.

وشمعي انطفى بدري

وما كنش ده حالي.

أنا اللي دايما كنت

راضي باللي يكون.

صابر على الأيام

وحبي مش حيهون.

داير الزمان بينا

حنشوف معاه بكرة.

يا يرجعنا نتهنى

يا نعيش على الذكري.

صابر منين ما بروح

عيني على المجروح

اللي أتظلم قلبه.

عيني على المجروح

********

( 77 )

ابتسمي

……….

إنتي إبتسامة زماني

وفي ابتسامتك هنايا.

إبتسمي أول وتاني

إبتسمي يسعَد هوايا.

       ابتسمي

إبتسمي صحي الورود

فوق الخدود الجميلة.

وآدي الخمايل شهود

على الورود الأصيلة.

شذاكي عطر الوجود

وهناكِ حلم الأماني.

ابتسمي أول وتاني

بهاكِ لحن الحياة

غنت بسحره الليالي.

إبتسمي يكمل صفاه

وفي نوره تفرح آمالي.

يا حلم عايش معاه

في صفوه أغلى الأماني.

 ابتسمي أول وتاني

ابتسمي ... نادي الغرام

يشوف جمال المحبة.

ضل ابتسامتك سلام

نوَّر قلوب الأحبة.

وإن كنتي خايفة الملام

لوم العوازل.. تهاني.

إبتسمي أول وتاني

********

( 78 )

كده قلبي كده

……….

كده قلبي كده.. ماليش دعوة بقلبك

تلاوعني تفرحني بحبك.

     كده قلبي كده

من غير مواعيد بيني وبينك

صدفة بنتقابل أنا وأنت.

وتسلم على قلبي عيونك

وتقول لك راح أشوفك إمتى.

وفي بعدك بيزورني خيالك

يسعدني ويسأل عن حالك.

وباحبك وراح أفضل أحبك

وأحلف بجمالك وبحبك.

    كده قلبي كده

غنيت.. وحأغني وأغني

في الوحدة بحبك يا حبيبي.

لا عارف إيه بتقول عني

ولا عارف إيه هو نصيبي.

القلب نادى لك وطاوعته

ما أقدرش أعاند وألاوعه.

بيحبك وعشانه بحبك

وأحلف بجمالك وبحبك.

    كده قلبي كده

كده قلبي رماني وسهرني

وعيوني معاه يا حبيب قلبي.

لو أنسى حنينه يفكرني

بغلاوتك عندي ويزيد حبي.

دايماً بغرامك.. تنهيده

ويردد أسمك ويعيده.

بيحبك وعلشانه بحبك

ويا ريت أنت كمان تسأل قلبك.

         كده قلبي كده

********

( 79 )

وصلني جوابك

……….

وصلني على البعد جوابك

يا أغلى من قلبي عليا.

يسلم لي حسنك وشبابك

ويدوم جمالك لعنيا.

 وصلني جوابك

مشغول عليا بتسألني عن حبي

وفي قلبي.. علامة.

أسأل نجوم الليل عني

وفي جوابي.. حتشوف ياما.

أنت الوحيد.. وأسأل قلبك

وأنت الوحيد.. اللي بحبك.

يسلم لي حسنك وشبابك

ويدوم جمالك لعنيا.

  وصلني جوابك

ابعت كتير.. ولا تسألشي عن قلبي

واشرح لي غرامك.

وإن كنت تنسي وما تقولشي

بإيه يفيد بس سلامك.

عايزاك تقوللي كتير عنك

ده أنت المحبة.. وأنا منك.

يسلم لي حسنك وشبابك

ويدوم جمالك لعنيا.

  وصلني جوابك

حبيبي.. وبحلف بحياتك

في قربك.. أو في بعادك.

سطر لي دايماً جواباتك

تغنيني عن سهد غيابك.

وبشوق غرامك عطَّرها

ده أنا كل يوم بستنظرها.

يسلم لي حسنك وشبابك

ويدوم جمالك لعنيا.

  وصلني جوابك

********

( 80 )

استنى شوية

……….

إستنى.. الكلمة اللي حتقولها

نهايتها غرامي وأولها.

أنا حبيتك.. وأنت يا ريتك

تسعدني بكلمة تقولها.

      استنى شوية

استنى شوية.. اسمع مني

إيه شفته في بعدك إيه وجفاك.

عزالي كتير.. وأنا مستني

أحلام في خيالي باعيشها معاك.

دي حياتي هواك بيجملها

وباستنى الكلمة اللي حتقولها.

           استنى شوية

حبيتك وبرقة روحك

طمنت القلب وعاش وياك.

ونشيدك لو فرَّح روحك

أنا روحي بتترجى يوم لقياك.

دي حياتي هواك بيجملها

وباستنى الكلمة اللي حتقولها.

          استنى شوية

أنت اللي حتقدر

ترجع لي فرحي وأماني.

أرجوك.. علشاني تفكر

وتعيد حساباتك من تاني.

دي حياتي هواك بيجملها.

وباستنى الكلمة اللي حتقولها.

         استنى شوية

********

( 81 )

ساحراني عنيك

……….

ساحراني عنيك العسلية 

يا أسمر.. ولا قدك مية.

    ساحراني عنيك

ساحراني وليلي ونهاري

حيرانة بروحي مش دارية.

مشغولة بقلبي وأفكاري

وياك يا جميل في حياة تانية.

وأغني لك.. وأقول

تسلم من كل عزول.

يا أسمر ولا أدك مية

ساحراني عنيك العسلية.

    ساحراني عنيك

الرمش فيهم بيسلم

على الخد الوردي ويتعاجب.

ويلاغي الحسن ويتكلم

بشوق وهيام ويا الحاجب.

وسهامهم بتجرحني

وعلى الجنة.. تروَّحني.

يا أسمر ولا أدك مية

ساحراني عنيك العسلية.

    ساحراني عنيك

ساحراني ومغرمة بجمالهم

وصفاهم وجمال منظرهم.

وفؤادي تمللّي بيصفى لهم.

ويتوه مع نور سرحانهم.

والشوق بيحيَّر فيا

من سحر عيونك ديه.

يا أسمر ولا أدك مية

ساحراني عنيك العسلية.

    ساحراني عنيك

********

( 82 )

أحلف لك بجمالك

……….

أنا عرفت اللي في بالك

وحكيت لك اللي في قلبي.

وأحلف لك بجمالك

طول عمرك في خيالي.

  أحلف لك بجمالك

بتقوللي حبيتك

وأنا عايزة أقول هالك.

وهويتني وهويتك

القلب شايلهالك.

لو كنت أنت داريتها

أنا ياما غنتها.

وبقلبي بقول هالك

حبيتك يا آمالي.

وأحلف لك بجمالك

طول عمرك في خيالي.

وبحبك وهوايا

مكتوب لك طول عمري.

وعبيرك يا منايا

من روح قلبي بيسري.

وأحلف لك بجمالك

أنا نسمة بتهواها

أنا وردة بترعاها.

وعزالي وعزالك

نفسهم يغيروا حالك.

وأحلف بجمالك

طول عمرك في خيالي.

 وأحلف لك بجمالك

وحياتك غني لي

وسمعني نغم حبي.

حبيتك ودليلي

إخلاصي اللي في قلبي.

تعالي لي وطمني

وأسأل قلبك عني.

وبحبك بدلالك

وقساوتك تحلالي.

وأحلف لك بجمالك.. طول عمرك في خيالي.

                وأحلف لك بجمالك

********

( 83 )

في قربك وبعدك

……….

في قربك وبعدك

يا روحي وعنيا.

بحبك لوحدك

يا غالي عليا.

       في قربك وبعدك

بحبك وطيفك تمللي ملازمني

أكلمه عنك.. وهو كمان يكلمني.

ويحكي لي عن حبك ويطمني

ويقوللي نام سعيد متهني.

وعنيك في عيوني.. يا روحي وعنيا

وأواسيك وتواسيني.. يا غالي عليا.

بحبك.. بحبك.. في قربك وبعدك

القلب في بعادك

مشغول تمللي عليك.

بفكر في ودادك

وبحلم بجمال لياليك.

وبتمني قربك..

يا روحي وعنيا.

وبهتف بحبك

يا غالي عليا.

في قربك وبعدك.. بحبك بحبك.

مش ممكن أنسى

ميعاد توعدني بيه.

ده أنا قلبي لسه

فاكر أول ميعاد.. اتقابلنا فيه.

وبتمنى قربك

يا روحي وعنيا.

وبهتف بحبك

يا غالي عليا.

في قربك وبعدك.. بحبك بحبك.

********

( 84 )

محروم من قربك

……….

محروم من قربك ووصالك

ولسه بيلوموني عزالك.

لو كانوا يشوفوا اللي بيجري لي ويجرالك

كانوا يبكوا على حالي وحالك.

        محروم من قربك

بتفوت علينا شهور وأيام

وأنا محروم من رؤياك.

سهران وحيد وليلي ضلام

أفكر في حبك وهواك.

وأشوف الأحبة أتنين أتنين

وأنا وأنت اللي تمللي بعيد.

وإن صادفت وجت العين في العين

نداري.. وشوقنا يكتر ويزيد.

ولسه بيلوموني عزالك

وبيحسدوني على حبك وجمالك.

لو كانوا يشوفوا اللي بيجري لي ويجرالك

كانوا يبكوا علي حالي وحالك.

       محروم من قربك

منايا أشوفك يوم جنبي

أشكي لك حالي.. وتسمع مني.

وأقولك أنت غرامي وحبي

وإن يوم هجرتك.. حيكون غصب عني.

علشان أرضي العوازل واللايمين

وابعد كلامهم عني.. وعنك.

وبيعدي عليا اليوم بسنين

مشتاق لكلمة تكون منك.

ولسه بيلوموني عزالك

ويحسدوني على حبك وجمالك.

لو كانوا يشوفوا اللي بيجري لي ويجرالك

كانوا يبكوا على حالي وحالك.

       محروم من قربك

ما فيش يوم فيه اتواعدنا

وغطانا الحب بضله.

إلا تمللي الحظ معاندنا

وسقانا من المر وذله.

ومش عارف أخرتها إيه

وإمتي حفرح واتهنى.

قلبي انكوي ومين يطل عليه

لكن.. مهما يطول البعد.. حستنى.

ولسه بيلموني عزالك

وبيحسدوني على حبك وجمالك.

لو كانوا يشوفوا اللي بيجري لي ويجرالك

كانوا يبكوا على حالي وحالك.

       محروم من قربك

********

( 85 )

طال انتظاري

……….

طال انتظاري.. وفضلت أداري

في شوقي وأسايا.

الوجد فاض بي.. واحتار خيالي

ما بين ظنوني وهوايا.

    طال انتظاري

تواعدني.. وتفوتني في نار

استنظر لقاك.. وابني آمال.

ويفوت الليل.. ووراه النهار

ولا تبعت تطمني حتي بمرسال.

ويطول عذابي.. واستنظرك

يا أعز أحبابي.. إيه غيَّرك.

       طال انتظاري

فكرة تودي.. وفكرة تجيب

وأنا وحدي هايم في أشواقي.

أستناك.. وطيفك مني قريب

يسمع ندا قلبي.. اللي عليك باقي.

ويطول عذابي.. واستنظرك

يا أعز أحبابي.. إيه غيَّرك.

ده الوجد فاض بي.. واحتار خيالي

ما بين ظنوني.. وهوايا.

     طال انتظاري

لا بعتْ تقوللي.. أنت فين

وتطمن قلبي.. يا روحي عليك.

بتغيب سنة ووراها سنتين

واحتار.. وياريتني أعرف فين أراضيك.

ويطول عذابي.. واستنظرك

يا أعز أحبابي.. إيه غيَّرك.

والوجد فاض بي.. واحتار خيالي

ما بين ظنوني.. وهوايا.

     طال انتظاري

********

( 86 )

اتكلم

……….

يا ريتك تتكلم

وتقول اللي في قلبك.

وما تسيبنيش أتألم..

في غرامك وفي حبك.

    يا ريتك تتكلم

اتكلم وصارحني

يا حبيبي باللي في قلبك.

وأحكي لي وريحني

مين زيي في الدنيا دي حَبَّك.

وما تسبنيش أتألم

في غرامك وفي حبك.

    يا ريتك تتكلم

قلبي وهبته هولك

وقلت لك كل اللي فيه.

والود صنت هولك

وأنت ليه دايماً مجافيه.

ما تسبنيش أتألم

في غرامك وحبك.

 يا ريتك تتكلم

فرحني مرة.. بكلمة

تكون من قلبك.

وقوللي بكرة

إيه اللي حيجرى وأنا جنبك.

وما تسبنيش أتألم

في غرامك وحبك.

 يا ريتك تتكلم

********

( 87 )

شاغلني هواك

……….

بتقول إني أنا شاغلاك

وبحبي.. زودت أساك.

ده أنت اللي شغلتني بهواك

ومحير قلبي معاك.

وبتقول إني أنا شغلاك

بديت بحبك وغرامك

وخليت قلبي مال لك.

وهام في نشوة كلامك

وحبَّك.. قبل ما يقولك.

وبقي ليل ونهار وياك

مشغول تمللي بهواك.

ويتمنى يوماتي رؤياك

ولا حتى كلمة تبين له رضاك.

ده أنت اللي شغلتني بهواك

ومحير قلبي معاك.

وبتقول إن أنا شغلاك

أبقى جنبك وشاغلني بنظراتك

وجمالك وحسن ابتسامتك.

وعيونك تشرح لي آهاتك

واسبح بفكري مع خيالاتك.

وأهيم في دنيا جميلة

وأنا وأنت سوا.

بين الزهور في الجنينة

نغني لحن الهوا.

وتقول إني أنا شغلاك

وبحبي زودت أساك.

ده أنت اللي شغلتني بهواك

ومحير قلبي معاك.

وبتقول إن أنا شاغلاك

ليالي تفوت وليالي 

وأنا سهرانة أفكر فيك.

وأبني معاك الأماني

واحتار فين أراضيك.

وأقيد شموعي بدموعي 

علشان تنور لك حياتك.

ونارها تكوي لي ضلوعي

ويهون كله علشانك.

وتقول إن أنا شاغلاك

وبحبي زودت أساك.

ده أنت اللي شاغلني بهواك

ومحير قلبي معاك.

وتقول إن أنا شاغلاك

********

( 88 )

بتلاوعني ليه

……….

بتحاول تلاوعني ليه

وتحير قلبي معاك.

ما تقوللي قصدك إيه

لما تبين لي أساك.

   بتحاول تلاوعني ليه

شهور فاتت واحنا في أفراح

والحب منور ليالينا.

ليه تبدلها بشجن وجراح

وتبدد كل أمانينا.

ما تقوللي قصدك إيه

لما تبين لي أساك.

بتحاول تلاوعني ليه

وتحير قلبي معاك

   ليه بتحاول

فكرني إمتي أنا قسيت عليك

زي ما أنت بتقسى عليا.

فكرني.. علشان أصالحك وأراضيك

ده أنا لك.. وأنت ليا.

ما تقوللي قصدك إيه

لما تبين لي أساك.

بتحاول تلاوعني ليه 

وتحير قلبي معاك.

    ليه بتحاول

إكمني من قلبي قلت لك بحبك

بتزيد في دلالك وخصامك.

لا ياحبيبي.. ده أنا ليا قلب زي قلبك

لما تلوعه حينسى غرامك.

ما تقوللي قصدك إيه

لما تبين لي أساك.

بتحاول تلاوعني ليه

وتحير قلبي معاك.

    ليه بتحاول

********

( 89 )

أنا وليلي

……….

أنا وليلي وأشواقي

وحرماني منك تاعبني.

بنادي الصبر مش لاقي

سؤال من الصبر يجاوبني.

          أنا وليلي

أنا وليلي ويا ويلي

من الوحدة وأوهامي.

أقول أنسى.. أشوف لسه

خيال الحب قدامي.

ألاوع قلبي واستنى

وأشواقي بتتمنى.

وحيدة محتارة ومش لاقية

سؤال من الصبر يجاوبني.

          أنا وليلي

أغني لك.. وأنادي لك

وأنت في الجفا أنت.

وأشكي لك.. وأدعي لك

وإمتى تودني إمتى.

حبيبي وليه بتنساني

وليه حيرت أشجاني.

وحيدة محتارة ومش لا قية

سؤال من الصبر يجاوبني.

          أنا وليلي

أمانينا وليالينا

لروض الحب تنادينا.

تعالى نغني أغانينا

وأيامنا تفوت.. هنا وزينة.

تهنيني. وأهنيك

وبالحب أسعد لياليك.

وحيدة محتارة ومش لا قية

سؤال من الصبر يجاوبني.

          أنا وليلي

********

( 90 )

مين قدك

……….

جميل ومين قدك

لك حق.. تتعاجب.

الورد فوق خدك

والسحر في الحاجب.

   جميل ومين قدك

في بسمتك نشوة

أمانيا وياها.

ونظرتك غنوة 

فؤادي غناها.

يا لحن أيامي

يا حلم أحلامي.

مهما يطول صدك

حكم الهوى غالب.

جميل ومين قدك

لك حق تتعاجب.

جميل ومين قدك

حلفني بيك قلبي 

أصبر ولا أشكي لك.

وكثير داريت حبي

وعيوني تحكي لك.

وتشوفني تتبسم

أحتار ولا أتكلم.

بهواك على بعدك

والصبر شئ واجب.

جميل ومين قدك

لك حق تتعاجب.

جميل ومين قدك

نور العيون أنت

ساعدني على حالي.

مقدرش أقول إمتى

قلبك حيصفى لي.

أمل يطول بُعده

وحلم مش قده.

لا في يوم حنول ودك

ولا في يوم حنتعاتب.

جميل ومين قدك

لك حق تتعاجب.

جميل ومين قدك.

********

( 91 )

حلفتك

……….

حلفتك.. وبحلِّف قلبك

ما حتنسى في يوم حبك.

ده رضاك عليا.. أملي ومُنايا

يانور عنيا.. خليك معايا.

حلفتك

حلفتك على قد ما تقدر

تنسى الماضي وأوهامه.

وأسعدني بحبك المتقدر

على قلبي.. ونوَّر أيامه.

هنايا وياك.. حلفتك

أملي رضاك.. حلفتك.

حلفتك

العهد اللي بيني وبينك

في عيوني داريته.

وأحلف بعيونك وأحلف لك 

الحب عشانك حبيته.

وبعهد هواك.. حلفتك

تسعدني معاك.. حلفتك.

حلفتك

لو تسمع مرة كلام عني

حلفتك.. تنساه من بالك.

وأحلف لك ما حتسمع مني

يوم كلمة تجرح إحساسك.

وإنسى العزال.. حلفتك.

ومهما حيتقال.. حلفتك.

حلفتك.. وبحلف قلبك

ما حتنسى في يوم حبك.

حلفتك

********

( 92 )

عيش بآمالك

……….

صبرك على الأيام تهنى لك

ليه في الدنيا.. محير بالك.

شوف أنوارها.. شوف أزهارها

وأفرح بيها.. وعيش بآمالك.

عيش بآمالك

شوف الفجر يهل بنوره.. ويصحينا.

شمسه جميلة وشدو طيوره.. بيهنينا.

اسعد قلبك.. مالك مالك

ليه في الدنيا محير بالك.

أفرح بيها.. وعيش بآمالك.

عيش بآمالك

مالك بالماضي وليه سارح

في اللي حيجرى.

بكرة بعيد عنك

وإمبارح ما هو كان بكرة.

غني ليومك.. وانسى همومك

وأسعد قلبك.. مالك مالك.

ليه في الدنيا محير بالك

عيش بآمالك

عيش بآمالك

اللي مالوش أمل في الدنيا

عمره ما يوم حيدوق حلاوتها.

عيش أفراحها ثانية بثانية

ده أنت فايتها.

دايرة بخيرها وبشرها

ولا فيش غيرها.

وأسعد قلبك.. مالك مالك

ليه في الدنيا.. محير بالك.

أفرح بيها.. وعيش بآمالك

صبرك على الأيام تحلي لك.

عيش بآمالك

********

( 93 )

يا حب

……….

علمْتني الأوهام..

ونستني أماني زمان.

يا حب وا لله حرام

تفوتني كده حيران.

 علمتني الأوهام

أنا كنت خالي ومتهني

وفرحان بآمالي.

ليلي ونهاري بغني

ومرتاح بالي.

من يوم ما عرفتك

خاصمني النوم.

ليه كنت أنا شفتك

وعرفتك يوم.

يا حب وا لله حرام

تسيبني كده حيران.

علمتني الأوهام

خلتني أحب وأتألم

ليل ونهار.

وأقاسي العذاب ولا تطمن

قلبي المحتار.

وأرضي باللوم

ويجافيني النوم.

وأصبر على كل اللي يتقال

ولا أرتاح يوم.

ياحب وا لله حرام

تسيبني كده حيران.

 علمتني الأوهام

أخدتني في دنياك

وفُتني لوحدي.

هايم في بحر هواك

مع حيرتي ونار سهدي.

وحبيت من غير أمل

وجفاني النوم.

وبعد ما الحب اكتمل

ضيعته في يوم.

يا حب وا لله حرام

تسيبني كده حيران.

علمتني الأوهام

********

( 94 )

إسألنا عليه

……….

من سحر عنيه بنحبه

ونقول ده غرامه شغلنا.

إسألنا عليه وعلى قلبه

وأنا أقولك.. بس إسألنا.

      من سحر عنيه

أنا شفت في حبه ليالي

ويا ريت ما تعود من تاني.

غيرني وحير بالي

وافتكره وليه ينساني.

لا أنا قادر أقول ده هجرني

ولا سحر عنيه صبرني.

وغدر بي وقلبي يحبه

ولا راضي في يوم يطاوعني.

إسـألنا عليه وعلى قلبه

وأنا أقولك بس أسألنا.

     من سحر عنيه

حبيت أعرف إيه اللي في قلبه 

لا لقيت فيه مشاعر ولا نجوى.

ويا ريتني مارحت لحده

كنت نسيت معنى الشكوى.

إيه سحر عنيه.. إيه يعني

وقلبه عنيد وبايعني.

بينساني وبطلب قربه

ولا يوم بالود بادلني.

وإسألنا عليه وعلى قلبه 

وأنا أقولك بس إسألنا.

     من سحر عنيه 

حلفتك تبعد عنه

ده لوَّع قلبك ياما.

عمرك ما حتشوف يوم منه

أفراح ولاحتى علامة.

أيام وقاسيتها كفاية

تعذيب في بداية ونهاية.

إنساه وارتاح من حبه

ده غرامه عنيد وشغلني.

إسألنا عليه وعلى قلبه

وأنا أقولك بس إسألنا.

     من سحر عنيه 

********

( 95 )

يا جمالها عيونك

……….

يا جمالها عيونك يا جمالها

نستني هوى الدنيا بحالها.

  يا جمالها

يا جمالها عيونك بتقوللي

يا جميل عن كل اللي في بالك.

وبتضحك لعيوني تمللي

وفؤادي عشانها بيصفى لك.

بتوه مع بهجة نظرتها

وأفرح بجمال ابتسامتها.

وتقوللي عن الشوق وأسألها

يا جمالها.. نستني هوي الدنيا بحالها.

      يا جمالها عيونك

في عيونك دنيا بتسحرني

مظلوم وياها وبعشقها.

وجفونك ساهية بتأسرني

وبداري هواها وأشواقها.

محتار يا جميل ويا جفونك

ليه تحجب ليه سحر عيونك.

شغلاني ومغرم بدلالها

يا جمالها.. نستني هوي الدنيا بحالها.

      يا جمالها عيونك

غنوة أيامي وأحلامي

بتقولها رموشك لعنيا.

وأهاديها بأجمل أنغامي

تسمعني.. وترد عليا.

وتنور بصفاها آمالي

والنظرة بتسعد لي خيالي.

على بالي دايما على بالي

يا جمالها.. نستني هوي الدنيا بحالها.

      يا جمالها عيونك

********

( 96 )

مش عارف

……….

من أول يوم وأنا خايف

من حبك ليه مش عارف.

       من أول يوم

في لقاك نجوى وحنية

وغرام بيداعب قلبي.

وعيون بتقول لعنيا

أسرار بتزود حبي.

حبيتك.. وأحلف بقلبي

حعيش لهواك.

ولقيتك.. ويايا بقلبك

وكمان نجواك.

أمال من إيه أنا خايف

من حبك ليه مش عارف.

        من أول يوم

الكون على ضي حنانك 

بقى نور على نور قدامي.

وبهْواك وبحب عشانك

ياحبيب الروح أيامي.

وغرامك.. نساني ألامي

وتهت معاك.

وكلامك.. بيطمن روحي

وأهيم وياك.

أمال من إيه أنا خايف

من حبك ليه مش عارف.

      من أول يوم

طمني وزود ودك

وأحكي لي كثير عن حالك.

محتار في لقاك وفي بعدك

وبحب رضاك ودلالك.

تقابلني.. وهواك في عيونك

بيحكي عليك.

تشغلني.. واحتار إيه أحكي

وأقول لعنيك.

أمال من إيه أنا خايف

من حبك ليه مش عارف.

       من أول يوم

********

( 97 )

ما تقولشي حاخصمك

……….

ما تقولشي حاخصمك وخاصمني

يمكن تصالحني المرة دي.

وإن جيت من تاني تكلمني

إزاي أنساها الكلمة دي.

ما تقولشي حاخصمك 

لوَّعني في حبك واحرمني

من عطفك وأنا راضي آلامي.

حيرني وعاندني واظلمني

كل ده بينور لي غرامي.

وإن قلت أخاصمك مرة

حبك حنساه بالمرة.

ولا أعاتبك مهما تكلمني

ولا عمري راح أنسى الكلمة دي.

وإن جيت من تاني تكلمني

إزاي أنساها الكلمة دي.

ما تقولشي حاخصمك وخاصمني

يمكن تصالحني المرة دي.

 ما تقولشي حاخصمك

********

( 98 )

يا قاسي

……….

يا قاسي وقلبك قاسي

وفي حبك ياما بقاسي.

يا قاسي وقلبك قاسي

رخَّصت دمع عنيا

وطال عذابي معاك.

ولا شفت يوم حنية 

من يوم ما قلبي هواك.

وفي حبك ياما بقاسي

ياقاسي وقلبك قاسي.

  يا قاسي

مخاصمني شهور وأيام 

ومخلي حياتي ألام.

وابعت لك ألف سلام

ما ترد يا قاسي حرام.

وفي حبك ياما بقاسي

يا قاسي وقلبك قاسي.

يا قاسي

بخلص لك وأنت ظالمني

وفايتني لحيرتي ويا أسايا.

ولا تعطف يوم وتكلمني

ما تقوللي قصدك إيه ويايا.

ارحم قلبي اللي شاريك

من ظلمك ومن قسوتك.

لمسيري يوم أجافيك

وعمري ما أرجع لمحبتك.

وفي حبك ياما بقاسي

يا قاسي وقلبك قاسي.

يا قاسي

********

( 99 )

وحياة الغالي

……….

وحياة الغالي يا عزالي

حعاندكم.. وأفضل على حالي.

ده حبيبي ومهما تقولوا عنه

عمره ما حيبعد عن بالي.

  وحياة الغالي يا عزالي

ده هنايا وبحلف بغلاوته

على قد الحب اللي في قلبي.

مصافيني.. ومضلل على قلبي

ولا يوم نساني جمال حبي.

ولا كلمة تحيرَّ قالها لي

وليالي غرامنا فاكر هالي.

  وحياة الغالي يا عزالي

قلتوا له كتير.. لا اشتكى مرة

ولا حتي عاتبني وجه قاللي.

وأنا عارفة إيه اللي بيجرى

عزالي.. ومُناكم في فراقنا تمللي.

تتكادم.. تتفرسم.. وأنا مالي

ده حبيبي وعشرته باقية لي.

ومهما تقولوا عنه

عمره ما حيبعد عن بالي.

  وحياة الغالي يا عزالي

آدي روض أحلامنا.. وآدي ورده

أحلامنا منورة أوراقه.

وقلوبنا بترعاه وتوده

وبشوكه بيحرس عشاقه.

جرحتوني كتير مالكم ومالي

ده الغالي هواه دايماً غالي.

ده حبيبي ومهما تقولوا عنه

عمره ما حيبعد عن بالي.

  وحياة الغالي يا عزالي

********

( 100 )

ليه مش ممكن

……….

ممكن قد ما قلبي يحبك

يكسب حبك.. ممكن.

وتهنيني.. وأسعد قلبك 

ليه مش ممكن.

 ليه مش ممكن

شافني هواك في الوحدة ناداني 

لبي نداه قلبي وغنى له.

راح وياه بالشوق ونساني

ولا عارف إيه راح يجرى له.

ممكن تاني الحب يشاغل قلبك 

ممكن.. ممكن.

زي ما بسأل عنك.. تسأل برضه عليا

ليه مش ممكن.

فِكْرك قلبي في يوم يتغير 

أبداً إيه اللي حيغيرني.

كل ما شوقي يزيد أكتر

أملي في قربك بيصبرني.

ممكن أملي يضحك يوم.. وألاقيك تنادي لي

ممكن.. ممكن.

بعد الشوق أبقى غرامك.. قلبي دليلي

ليه مش ممكن.

طول ما الحب نسيمه بيسري

طيفك عمره ما حينسى خيالي.

ده أنت ربيعه وبهجة عمري

دنيا هنايا وفرحة بالي.

ممكن.. ليه مش ممكن..

تبقي أمالي هي أمالك..

ممكن.. ممكن.

شهد الحب من عسله رواني

وممكن يوم يوصلَّك

ليه مش ممكن.

 ليه مش ممكن

********

( 101 )

أسأل قلبك

……….

اسأل قلبك قبل ما تسألني

أنت شاريني ولا بايعني.

وإن جه يوم سألك عن قلبي

قول له هواك.. وبهواك بيغني.

اسأل قلبك

اسأله حيفضل على حاله

ولا في يوم راح يتغير.

ويسوق على قلبي دلاله

ويفوتني في حبه اتحير.

ويزيد تعذيبي.. اسأل قلبك.

أوصيك يا حبيبي.. صارحني بحبك.

وإن جه يوم سألك عن قلبي

قول له هواك.. وبهواك بيغني.

  اسأل قلبك

أنا عارفة أنك بتهواني

واللي باين كده منك.

لكني بخاف وارجع تاني

أقول وأعيد وأسأل عنك.

أوصيك يا حبيبي.. صارحني بحبك.

طفي لي لهيبي.. وأسأل قلبك.

وإن جه يوم سألك عن قلبي

قول له هواك.. وبهواك بيغني.

  اسأل قلبك

ياما قلوب حبت قبلنا..

وكان غرامهم أجمل غنوة.

وضاع الحب مع الزمن

لإنه كان مجرد نزوة.

فأرجوك يا حبيبي.. تسأل قلبك.

أكد لي شعوري.. وصارحني بحبك.

وإن سألك يوم قلبك عن قلبي

قل له هواك.. وبهواك بيغني.

  اسأل قلبك

********

( 102 )

مقدرش أنا 

……….

كده برضه محبتك

تنساني بالسنة.

والفرحة لمهجتك

والشكوى ليا أنا.

كده.. لا مقدرش أنا

قلبك مالهوش غالي

رخَّص حبي وآمالي.

وأطاوعك ليه.. كفاية

تبقى أنت والليالي.

هواك حيرني ياما

ما بين صد وملامة.

والفرحة لمهجتك

والشكوى ليا أنا. 

كده.. لا مقدرش أنا

حبك لو يوم يسعدني 

كان إيه عنك يبعدني.

لكن طبعك تمللي

أهاودك وتعاندني.

تبقى أنت روح لحالك

ريحني من دلالك

ليه أفرَّح مهجتك

والشكوى ليا أنا.

كده.. لا مقدرش أنا

قلبي عرف نهايته

ودلوقتي الوحدة غايته.

وأزاي كان بس يقدر

يحبك وأنت فايته.

بيني وبينك مش حفكر

غير في اللي لحبي يقدَّر.

ليه أفرَّح مهجتك

والشكوى ليا أنا.

كده لا مقدرش أنا 

********

( 103 )

طمن قلبك

……….

طمن قلبك واحكي له

كتير عني وعن حالي.

وأمانة يوماتي إهدي له

سلاماتي وأشواقي يا غالي.

طمن قلبك

طمن قلبك.. إن حبنا بشوقه باح.

وملا الكون من حوالينا بهجة وأفراح.

ومهما بعادي يطول.. طمن قلبك.

دايماً أنا بيك دايماً مشغول.. وصاين حبك.

وأمانة يوماتي إهدي له

سلاماتي وأشواقي يا غالي.

وطمن قلبك وأحكي له

كثير عني وعن حالي.

طمن قلبك

أحكي له ليل ونهار عن حبنا.

وقول له أوعى تختار.. طول بعدنا.

وهون له كل عسير.. وطمن قلبك.

ده أنا ياما بقاسي كتير.. وصاين حبك.

وأمانة يوماتي أهدي له

سلاماتي وأشواقي يا غالي.

طمن قلبك وأحكي له

كتير عني وعن حالي.

       طمن قلبك

قلبي اللي هواك وهويته

ووافي بوعده.

وقبل ما يحبك حبيته

وصنت له عهده.

عمره في يوم ما حينساك

طمن قلبك.

وحيعيش علي ذكراك

وصاين حبك.

وأمانه يوماتي أهدي له

سلاماتي وأشواقي يا غالي.

طمن قلبك وأحكي له

كتير عني وعن حالي.

     طمن قلبك

********

( 104 )

أسعد حبيبين

……….

قلبي وقلبك سوا

صبحم أسعد حبيبين.

لاغوا الغرام والهوا

من بسمة ونظرتين. 

 قلبي وقلبك سوا

صدفة وجمعتنا بين الزهور

على ود وصفو وأماني. 

والكون حوالينا بهجة ونور

وطيوره بتنشد لينا أغاني.

لما اتقابلت العين في العين

من بسمة ونظرة بقوا حبيبين.

      قلبي وقلبك سوا

كمل هنانا .. والسعد واعدنا

في يوم ما قابلتك وقابلتني.

والورد فوق غصنه شاهدنا

ساعة ما صارحتك وصارحتني.

لما اتقابلت العين في العين

من بسمة ونظرة بقوا حبيبين.

       قلبي وقلبك سوا

فرحتي تمت وأنا جنبك

وقلت ياريت لقانا يطول.

وأسعد بغرامك وجمال حبك

وأفضل معاك كده على طول.

وتتقابل العين في العين 

من بسمة ونظرة تسعد قلبين.

      قلبي وقلبك سوا

********

( 105 )

الغرام الخالد

……….

مين في الدنيا غرامه غرامي

حبي جميل ومهني فؤادي.

واللي بنيته وياه في أحلامي

عندي أعز من الدنيا دي.

مين في الدنيا غرامه غرامي

أنا حبيت أنغام وأغاني

تشجي الروح لما يقول هالي.

وإن يوم داعبت فكري أماني

ضروري أكيد حيحقق هالي.

حب وبيه القلب اتهنى

هو السعد وهو الجنة.

أجمل غنوة .. وطني الغالي.

سحر ونجوى .. وطني الغالي.

مين في الدنيا غرامه غرامي

طول العمر آماله آمالي

ومين حيكون غير وطني الغالي.

سر شبابي غرامه وحبه

واللي دعاني هواه وجماله.

هو كمان مطمِّن قلبه

من إخلاصي ومرتاح باله.

فاكره.. ودايماً ربوعه ساحراني

مالك روحي وشاغلني بحاله.

وردة ندية.. وطني الغالي.

نور في عنيا.. وطني الغالي.

ترديد اسمه.. نسمة بتحلالي.

أجمل غنوة.. وطني الغالي.

سحر ونجوي.. وطني الغالي.

مين في الدنيا غرامه غرامي

حُر.. وله في القلب معزة

محروم من نورها اللي يخونه.

وإن بكيت.. يواسيني بحضنه

أفرح.. أصْلِي بشوف بعيونه.

هو لوحده هنايا شبابي

كل حياتي وكل صحابي.

وأنا جندي لوطني الغالي.

وبروحي افدي وكياني.

مين في الدنيا غرامه غرامي

********

( 106 ) 

ورد الهوى

……….

ورد الهوى سهران

يسأل على قلبك.

وأنت وحيد نعسان

ونسيت عهود حبك.

    ورد الهوى

ورد الهوى شافني بقاسي

من الوحدة.. سامح وواساني.

قاللي فاكر مش ناسي

أيام غرامك ورعاني.

وسألني عليك.. ورد الهوى.

مشتاق إليك.. ورد الهوى.

ده زيي في هواه حيران

بيتمنى يوم قربك.

ورد الهوى سهران

بيسألني على قلبك.

     ورد الهوى

ورد الهوى قاللي ناديتك

لما التقيتك وحداني.

وقال لي من قلبه يا ريتك

تنساه وتعشق أغصاني.

حلو وجميل.. ورد الهوى.

يرقص ويميل.. ورد الهوى.

صاحي على الأغصان 

وإمتى يفرح بيك.

ورد الهوى حيران

بيسأل تمللي عليك.

    ورد الهوى

ورد الهوى خليك فاكر 

أنا وأنت داويناه بغرامنا.

ما أنساش هواك أنا مش قادر

أنساك ولا أنسى أيامنا.

عاشق بهاك.. ورد الهوى.

لعودتك مشتاق.. ورد الهوى.

ورد الهوى سهران

يسألني على قلبك.

     ورد الهوى

********

( 107 )

شاهدين عليه 

……….

مين قال له مين.. يعمل كده

وينسى أيامنا سوى.

حيرني وارتاحوا العدى

شاهدين عليه يا أهل الهوى.

شاهدين عليه

عاهد عهود.. وأنتم شهود

على اللي قلته وقالهولي.

كانت وعود.. أه لو تعود

أنا كنت أشمت في عزولي.

قال الكتير من ورا قلبه

صدقته.. ما أنا بقلبي بحبه.

أتاريه بينسى كل ده

وبينسي أيامنا سوا.

حيرني.. وارتاحوا العدى

شاهدين عليه يا أهل الهوى.

شاهدين عليه

هو الجمال.. هو الآمال

ومعاه حياتي وخيالي.

تايه معاه.. فاكر هواه

وذكرى نجواه دايماً ببالي.

والصبر مش قد غرامي

وأزاي يفوت من أحلامي.

ولمين راح أشكي كل ده

هو النعيم.. هو الرضى.

حيرني.. وارتاحوا العدى

شاهدين عليه يا أهل الهوى.

         شاهدين عليه 

حأقوله إيه.. والشكوى ليه

وأنا تايهة وساحرني غرامه.

جميل.. جميل.. وإزاي أهيم

غير بعيونه اللي بترمي سهامه.

يا عيني داري.. وليه تبكي

من عذاب الحب.. ما أقدرش أشكي.

غرامي تاه بين آمالي ودموعي

وإمتي نتجمع سوا.

حيرني.. وارتاحوا العدى

شاهدين عليه يا أهل الهوى.

         شاهدين عليه 

********

( 108 )

يا قلبي

……….

مش قلت لك يا قلبي

طاوعني واسعد بحبك.

وانسى الأساوة وخبي

طول ما الحبيب جنبك.

مش قلت لك يا قلبي

إنسى ليالي الخصام

وعيش أماني الغرام

وسيبك من  الأوهام

ده الحب بهجة وأنغام.

وأنسى الأساوة وخبي

طول ما الحبيب جنبك.

مش قلت لك يا قلبي

حبيته وبتنكر حبك..

ليه كل ما يقرب منك.

وتصده تمللي واعاتبك

تبكي وتقول غصب عنك.

انسى الأساوة وخبي

طول ما الحبيب جنبك.

مش قلت لك يا قلبي

الماضي راح بآلامه

وأنت لسه عايش فيه.

فاكره وفاكر أيامه

وناسي جمال لياليه.

إنسى الأساوة وخبي

طول ما الحبيب جنبك.

مش قلت لك يا قلبي

********

( 109 )

تم الهنا

……….

تم الهنا.. وفرحت أنا

يا قلبي غني.. نلت المُنى.

  تم الهنا

تم الهنا.. والسعد وافاني

وفي يوم ميلادي.. حبيبي جاني.

وبأيده الحلوة.. ولع شمعتي تاني

وفرحت ونلت.. كل الأماني.

وتم الهنا.. وفرحت أنا.

  تم الهنا

سنين فاتت.. وأنا بستناه

والفرحة ماتت.. وعرفت الآه.

واتعوض صبري.. وفرحت من تاني

خايفة الهنا يجري وينساني.

ويهجرني الهوي.. ومافرحش أنا

ويفوت العمر.. يوم وراه سنة.

تم الهنا.. وفرحت أنا.

  تم الهنا

********

( 110 )

بكرة حيجيني

……….

بكرة حيجيني.. حبيبي ونور عيني

وببسمته يهنيني.. وبصوته الهادي يشجيني.

    بكرة.. بكرة حيجيني

وفي إيده الحلوة مرسال

مسطره بكلام أنغام.

وبين سطوره أحلام وآمال

حنحققها سوا.. في عش الغرام.

وأنا.. وهو.. حنغني غنوة

حتقولها عيوني.. لعيونه الحلوة.

وببسمته يهنيني.. وصوته الهادي يشجيني.

    بكرة.. بكرة حيجيني

حعطر الأرض بالمسك والريحان

وأرص الورد على الجنبين.

واستقبله في شوق وحنان

وأقيد شموع الفرح يومين.

وأنا.. وهو.. حنغني غنوة

حتقولها عيوني.. لعيونه الحلوة.

وببسمته يهنيني.. وصوته الهادي يشجيني.

    بكرة.. بكرة حيجيني

ح أملا عيوني من حسنه

واتهني وافرح وأناجيه.

وأهديه الورد فوق غصنه

يشرح له حبي ومعانيه.

وأنا.. وهو.. حنغني غنوة

حتقولها عيوني.. لعيونه الحلوة.

وببسمته يهنيني.. وصوته الهادي يشجيني.

    بكرة.. بكرة حيجيني

********

( 111 )

سهرت وحيد

……….

سهرت وحيد.. أنا والأفكار.

وحبيبي بعيد.. وفايتني في نار.

أنا والأفكار

الدنيا من حواليا.. ظلام في ظلام

والدمع في عنيا.. بيبوح بآلام.

وأيامي بتجري.. أيام ورا أيام

والعمر بيجري.. أوام في أوام.

وحبيبي بعيد.. وفايتني في نار

سهرت وحيد.. أنا والأفكار.

أنا والأفكار

ربيع عمري خلاص راح

ما بين فكر وأشجان.

وحبيبي بدره لسه ما لاح

ولا ريَّح قلبي الولهان.

بالصبر تمللي.. بصبر نفسي.

وقلبي يقوللي.. إيه أخرة يأسي.

وحبيبي بعيد.. وفايتني في نار

سهرت وحيد.. أنا والأفكار.

أنا والأفكار

البدر في ليله.. سهران ويايا.

يحكي لي وأحكي له

وأشرح له أسايا.

وبنوره الهادي.. يصبَّر قلبي.

ويبكِّي فؤادي.. على حيرتي في حبي.

وحبيبي بعيد.. وفايتني في نار

سهرت وحيد.. أنا والأفكار.

أنا والأفكار

********

( 112 )

على جناح الهوى

……….

على جناح الهوى

خدنا الغرام اتنين.

ويارتنا أنت وأنا

نفضل كده حبيبين.

على جناح الهوى

خدنا الغرام وحدنا

على دنية الأحلام.

وشاف جمال ودنا

نوَّر لنا الأيام.

وبقينا مسا وصباح

ما بين هنا وأفراح.

عوضنا كل اللي راح

من عمرنا.. في رضى وسماح.

وياريتنا أنت وأنا

نفضل كده حبيبن.

على جناح الهوى

حلفتني بالهوا.. ما أنساك

وأنساك ليه.

حب وجمعنا سوا

والود بعده إيه.

غني لي على الأشواق

وطمن لي قلبي المشتاق.

وقوللي عمر الهوى

ما يظلم العشاق.

وياريتنا أنت وأنا

نفضل كده حبيبين.

على جناح الهوى

أحباب رعانا الوفا

أيامنا نور وجمال.

ويمر بينا الصفا

يسقينا شهد حلال.

دنيا المحبة سلام

من غير عتاب وملام.

بيفوت زمنا ربيع

ما بين هنا وأنغام.

وياريتنا أنت وأنا

نفضل كده حبيبين.

على جناح الهوى

********

( 113 )

سهرت الليل

……….

سهرت ويا الليالي

أبني وأعلي في آمالي.

وصورتك تداعب خيالي

يا حبيب عمري يا غالي.

      سهرت الليل

سهرت أجني الورود

وأسقيها كاسات الغرام.

وابتسم لكل عود

و أقول بكرة تتحقق الأحلام.

وأنسى عذابي وهواني

وأنسى شوقي وحرماني.

وصورتك تداعب خيالي

يا حبيب عمري يا غالي.

      سهرت الليل

القمر بنوره فتنِّي

ونوَّر الكون حواليا.

وأنا سهرانة بغني

بإسمك يا روحي وعنيا.

وفَرَح لفرحي..

وداوى لي جرحي.

وصورتك تداعب خيالي

يا حبيب عمري يا غالي.

      سهرت الليل

قلت يا ليلي طوِّل 

وفوتني ويا آمالي.

أفكر وأعيد من الأول

ذكريات حبي اللي صفالي.

وتوالت الآمال

واتهنى بقربها قلبي. 

وارتاح البال

وحلمت بيك جنبي.

وصورتك تداعب خيالي

يا حبيب عمري يا غالي.

       سهرت الليل.

********

( 114 )

أنت الأمل

……….

أنت الأمل.. وأنت النصيب

وأنت اللي في قلبي.. يا أعز حبيب.

       أنت الأمل

الحب جمَّع شملنا

لما اتواعدنا.. أنت وأنا.

وفرحنا يا روحي بحبنا

من أول نظرة لبعضنا.

وقاللي قلبك.. بحبك بحبك.

ياللي روحي.. فدا حبك.

وأنت اللي في قلبي يا أعز حبيب

وأنت الأمل وأنت النصيب.

أنت الأمل

قلبي مال لك.. واتكلم

وصارحك بكل اللي مخبيه.

ولرمش عيونك سلِّم

وباح بكل اللي كان مداريه.

وقال بحبك.. وأحب اللي يحبك.

ياللي هنتني بعطف قلبك.

وأنت اللي في قلبي يا أعز حبيب

وأنت الأمل وأنت النصيب.

أنت الأمل

وهبت لك قلبي وروحي

وودادك طمنِّي وفرح قلبي.

وبنيت آمالي وأفراحي في حضنك

وما قدرتش أخبي.

وغنيت لحبك.. طول ما أنا جنبك.

وقلت بحبك.. وأحب اللي يحبك.

وأنت اللي في قلبي يا أعز حبيب

وأنت الأمل وأنت النصيب.

أنت الأمل

********

( 115 )

الهوى والعين

……….

شغلوني أتنين.. الهوى والعين.

والهوى والعين.. شغلوني أتنين.

شغلوني وصدقت كلامهم

وجرالي يا قلبي اللي جرالي.

ياما غيري أتهنوا بأيامهم

وأنا عايش تايه بآمالي.

والقلب احتار.. م الهوى والعين

ويا ريتني يا ريت.

ليل ونهار.. م الهوى والعين

ما كنت حبيت.

وألاقيها يا قلبي منين ولا منين

شغلوني أتنين الهوى والعين.

الهوى والعين

كان مالي ومالهم يا عيوني

شاغلوني.. وقالوا كتير فيا.

ظلموني الأتنين ظلموني

معلش.. ما أنا برده الحق عليا.

صدقت آمال.. م الهوى والعين.

أوهام وخيال.. م الهوى والعين.

وألاقيها يا قلبي منين ولا منين

شغلوني أتنين.. الهوى والعين.

الهوى والعين

على ذكرى الوحدة ولياليها

غني لي يا قلبي وصبرني.

أيام مش ممكن تلاقيها

فكرني بحسنها فكرني.

راحت على طول.. م الهوى والعين.

وألاقيها يا قلبي منين ولا منين

شغلوني أتنين.. الهوى والعين.

الهوى والعين

********

( 116 )

كل دقيقة

……….

كل دقيقة بفكر فيك

وأتمنى قربك وأحلم بيك.

وإزاي بس في يوم أجافيك

وأنا بحبك وروحي فيك.

 كل دقيقة بفكر فيك

الناس عيونها تنام

وأنا اللي سهرانة معاك.

هايمة وفي الأحلام

تمللي أكون وياك.

وأستنى قربك ووصالك

في كل دقيقة.

ويمر على بالي جمالك

أحسبها حقيقة.

وإزاي بس في يوم أجافيك

وأنا بحبك وروحي فيك.

 كل دقيقة بفكر فيك

ياللي غرامك هناني

ونساني الدنيا وما فيها.

وخلاني أرجع من تاني

أحب أيامي ولياليها.

أحلم بقربك ووصالك

في كل دقيقة.

ويمر على بالي جمالك

أحسبها حقيقة.

وإزاي بس في يوم أجافيك

وأنا بحبك وروحي فيك.

 كل دقيقة بفكر فيك

الأماني الحلوة لقيتها

وأنت قريب مني.

وكل حاجة أنت حبيتها

ألاقيها حتة مني.

ويمر على بالي خيالك

وأحسبها حقيقة.

وأحلم بقربك ووصالك

في كل دقيقة.

وأزاي بس في يوم أجافيك

وأنا بحبك وروحي فيك.

 كل دقيقة بفكر فيك

********

( 117 )

فكروني بحبك

……….

فكروني بأوقات أفراحنا

وأنا وأنت في ضل الياسمين.

أزهار وطيور ونسيم وأحنا

في ربيع غرامنا متهنيين.

فكروني

فكروني بغنوة أحلامنا

والنسمة بتغنيها معانا.

ونعيم القرب وأيامنا

وأماني الحب ونجوانا.

بليالي هواك.. فكروني.

وبشهد رضاك.. فكروني.

وأنا وأنت في ضل الياسمين

في ربيع غرامنا متهنيين.

فكروني

كان فكري البعد حينسيني

وأيامك حتروح من بالي.

أتاريك في القلب يا نور عيني

وجمالك عايش في خيالي.

بأماني لقاك.. فكروني.

والشوق ورضاك.. فكروني.

وأنا وأنت في ضل الياسمين

في ربيع غرامنا متهنيين.

فكروني

فكروني ورجعت للماضي

دي الذكري بتسعد لي فؤادي.

وكان قلبك وقتها راضي

وبادلتك أشواقك بودادي.

كان عهد سعيد.. فكروني.

تاه مني بعيد.. فكروني.

وأنا وأنت في ضل الياسمين

في ربيع غرامنا متهنيين.

فكروني

********

( 118 )

يوم جديد

……….

تعالى نحيي الأماني 

في ضل يومنا الجديد.

ونغني أحلى الأغاني

مع الصباح السعيد.

تعالى نحيي الأماني

شوق الصباح فرحان وجميل

والشمس هلِّت أنوارها.

على الوجود بأنوارها تميل

وترخي على الورد شعورها.

وأنت الحيران..

تايه مع الأشجان.

إنسى الأحزان

وعيش سعيد فرحان.

وتعالى نحيي الأماني

في ضل يومنا الجديد.

     تعالى.. تعالى

نجوى الطيور فوق الأغصان

بتسعد قلوبنا بلحنها.

والنسمة بتسري بين الأزهار

وبشوق تداعب خدها.

وأنت الحيران..

تايه مع الأوهام.

إنسى الأشجان

وشوف صفا الأيام.

وتعالى نحيي الأماني

في ضل يومنا الجديد.

      تعالى.. تعالى

شوف الأحبة.. أتنين أتنين

بين الجناين يا هناهم.

وكل عين بتكلم عين

تعالى نفرح وياهم.

وأنت الحيران

تايه مع الأوهام.

إنسى الأشجان

وشوف صفا الأيام.

   تعالى.. تعالى

********

( 119 )

سعد اكتب لي 

……….

سعد اكتب لي.. وكان في علم الغيب.

وفرحت يا قلبي.. ونلت اللي كان في النصيب.

سعد أكتب لي

سعد أكتب لي.. يوم ما رأتك عيني

بين الزهور بتتمخطر.

وصحيت من الأحلام.. وقلت يا دنيا هنيني

حبيبي فيا بيفكر.

وابتسمت ليا الحياة

وسعدي زاد أكتر.

وفرحت يا قلبي.. ونلت اللي كان في النصيب.

سعد اكتب لي

زهرة شبابي زاد جمالها ونورت

من بعد رجوعك يا حبيبي.

والفرحة في قلبي غنت وعبَّرِت

عن فرحتي بيك يا نصيبي.

وغنيت لك غنوة.. كل الأماني فيها.

وما بين همس ونجوى.. الدنيا أحلوت لياليها.

وفرحت يا قلبي.. ونلت اللي كان في النصيب. 

سعد اكتب لي

أصفى لي دايماً.. أصفى لي

وفرحني تمللي بحبك.

ده أنت عندي كتير غالي

ومقدرش أعيش إلا بقربك.

هنيني يا دنيا.. هنيني.. بأعز حبيب.

يا أغلي من نني عيني.. أنت القسمة وأنت النصيب.

سعد اكتب لي

********

( 120 )

يا ورد

……….

ياورد ياللي على الأغصان 

أمانه لتسمع شكوتي.

سبع ليالي وأنا حيران

ما بين دموعي ووحدتي.

       أمانة يا ورد

سافر حبيبي.. وخد قلبي معاه.

وفاتني لتعذيبي.. ومش قادر أنساه.

وكتبت له.. جواب واتنين

سطرتهم بدموع العين.

وفات يوم وراه يومين

ما رد حتى بسطرين.

وسبع ليالي وأنا حيران

ما بين دموعي ووحدتي.

يا ورد ياللي علي الأغصان

أمانة لتسمع شكوتي.

      أمانة يا ورد

حلفني بحبنا.. عمري ما حينسى ودادي.

وطول بعدنا.. حيفتكرني ويهني فؤادي.

وراح ما سأل فيا.. بكلمة تصبر قلبي.

وليه بيقسى عليا

وأنا ما أقدرش أوريه قسوتي.

وسبع ليالي وأنا حيران

ما بين دموعي ووحدتي.

يا ورد ياللي علي الأغصان

أمانة لتسمع شكوتي.

     أمانة يا ورد

كانت الطيور تشوفنا مع بعضنا.

تلاغي الزهور.. وتغني لهنانا وفرحنا.

دلوقتي.. صبحت وحيد

مع سهري وانشغال بالي.

أسرح وفكري بعيد

أفكر في حبيبي الغالي.

وسبع ليالي وأنا حيران

ما بين دموعي ووحدتي.

يا ورد ياللي على الأغصان

أمانة لتسمع شكوتي.

     أمانة يا ورد

********

( 121 )

ساهي وسهاني

……….

ساهي سهاني

حُب الجميل يا عين.

خد قلبي ونساني 

معرفش راح فين.

 ساهي وسهاني

ساهي وجنته نهار

نوَّر لي أحلامي.

زاهي على النوار

فرَّح لي أيامي.

وأسأل عليه ودلاله يزيد

قريب.. وقلبه عني بعيد.

ولا مرة هناني.. واحترت في الحالتين

ساهي وسهاني.. معرفش راح على فين.

       ساهي وسهاني

أول ما شفته يا ريت

ما كنت بصيت له.

ولا قلت يوم حبيت

ولا عيني سهرت له.

لكن الغرام.. راح أقول فيه إيه

هو السبب والحق عليه.

توهني ورماني..

الصبر أجيبه منين.

ساهي وسهاني.. معرفش راح على فين.

       ساهي وسهاني

ساهي وأنا المجروح

ومن سهوه.. حيرني.

لا يوم هواه بيروح

ولا مرة.. بيزورني.

وأشكي له.. يبتسم على طول.

إيه السبب.. وإيه حيقول.

رمشه اللي جنني..

والجرح بقى جرحين.

ساهي وسهاني

معرفش راح على فين.

  ساهي وسهاني

********

( 122 )

أنا كنت وحيدة

……….

أنا كنت وحيدة.. قبل ما أشوفك

صبحت دلوقتي سعيدة.. بسحر طيفك.

أناجي حبك.. وأتمني قربك

وتمر علي بابي يوماتي وأشوفك.

أنا كنت وحيدة

أيام وليالي مرت عليا

ما شفت فيهم ليلة هنية.

ولما هويتك يا نور عنيا

عرفت معني الحنان والحنية.

أناجي حبك.. وأتمني قربك

وتمر علي بابي يوماتي وأشوفك.

أنا كنت وحيدة

قلبي عرف لصبره نهاية

يوم ما حبيتك يا أملي ومنايا.

والدنيا بقت لي مراية

تغني لي وتوريني هنايا.

أناجي حبك.. وأتمني قربك

وتمر على بابي يوماتي وأشوفك.

أنا كنت وحيدة

ودعت ليالي الضنى والوحدة

ونسيت كل همومي وأسايا.

وبعطفك ياحبيبي أنت لوحدك

حققت آمالي وأنت معايا.

أناجي حبك.. وأتمنى قربك

وتمر علي بابي يوماتي وأشوفك.

أنا كنت وحيدة

********

( 123 )

أنت وحي

……….

أنت وحي.. أنت إلهامي 

وأنت فرحي.. وسعد أيامي.

أنت.. أنت

كل فكرة تمر بيا

ألاقي روحك بتسري فيها.

وكل نسمة تهل عليا

أفتكرها أنت.. وروحي تناديها.

وأنت فرحي.. وسعد أيامي

وأنت وحي.. أنت إلهامي.

أنت.. أنت

العمر كله حعيش لغرامك

وأجني ورد حبك.. ويا حبي.

واتهني وافرح بأيامي وأيامك

وأراعيك بروحي وعطف قلبي.

وأنت فرحي.. وسعد أيامي 

وأنت وحي.. أنت إلهامي.

أنت.. أنت

قلبي وقلبك بيغنوا غنوة

الهنا معانيها.. وإحنا أنغامها.

وكل كلمة حلوه فيها

سطرتها أنا وأنت كلمة كلمة.

وأنت فرحي.. وسعد أيامي 

وأنت وحي.. أنت إلهامي.

أنت.. أنت

********

( 124 )

كلمني 

……….

كلمني وقول اللي في قلبك

يا حبيب الروح ده أنا بحبك.

ومنايا على طول أفضل جنبك

أوهب لك روحي وتوهب لي قلبك.

     يا حبيب الروح كلمني

ده أنا كل ما بسمع لكلامك

بتوه في جنة من الأحلام.

وأهيم في نشوى غرامك

وأنسى آلامي وجرح الأيام.

ويتم هنايا.. كلمني.

طول ما أنت معايا..كلمني.

يا حبيب الروح ده أنا بحبك

كلمني وقوللي على اللي في قلبك.

كلمني

ياللي كلامك كله آمال

بتهني روحي وتفرح قلبي.

وتخليني أسهر متهني البال

أناجي القمر فرحان بحبي.

وطيفك معايا.. بيكلمني.

يا أملي ومنايا.. كلمني.

يا حبيب الروح ده أنا بحبك

كلمني وقول على اللي في قلبك.

كلمني على الجنة اللي حتجمعنا

أنا وأنت بكرة سوا.

ونغني ولا عزول يلوَّعنا

على حبنا وليالي الهوا.

ومنين ما تروح.. كلمني.

يا روح الروح.. كلمني.

يا حبيب الروح ده أنا بحبك

كلمني وقوللي على اللي في قلبك.

    كلمني

********

( 125 )

على جناح الهوى

……….

على جناح الهوى.. قلبي وقلبك سوا

بيشكوا ما بيهم.

ويداروا جرح الهوى.. وتسيل دموعهم دوا

تحيي آماليهم.

             على جناح الهوى

اتقابلوا بعد فراق.. سنين وليالي طوال.

قضوها بين أشواق.. حب وحنين وآمال.

ولما آن الأوان.. والود وافقهم.

نسيوا العتاب والخصام.. وباحوا بأشواقهم.

وداروا جرح الهوى.. وسالت دموعهم دوا

تحيي أمانيهم.

  على جناح الهوى

الطيور سمعت لغاهم.. غردت وباركت هواهم.

ورفرفت على الكون معاهم.. فرحانة بهناهم.

وفي نشوة الأحلام.. الود وافقهم.

ونسوا العتاب والخصام.. وباحوا بأشواقهم.

وداروا جرح الهوى.. وسالت دموعهم دوا

تحيي أمانيهم.

على جناح الهوى

********

( 126 )

بل أكادا

……….

بل أكادا.. كل مادا

حبك بيزيد جوا جلبي.

بدون نقصان.. بل بزيادة الزيادة

سري انكشف ومش قادرة أخبي.

         بل أكادا.. بل أكادا

وحياة ربي اللي له عليا حق العبادة

عمري ما أخونك.. وروحي لروحك ودادة.

وإن خنتني يوم.. وصادفتك برده بتتمادى

حسامحك.. وعن غلطتك حتغاضى.

أصلي هويتك.. ومن جلبي بتمني لك السعادة

ومن عيني رقيتك.. ومن كل عين حسادة.

وبدون نقصان.. بل بزيادة الزيادة

سري انكشف ومش قادرة أخبي.

بل أكادا.. بل أكادا.. حبك بيزيد جوا جلبي.

بل أكادا.. بل أكادا

جمالك ما جابتهوش بطن ولادة

كل ما أنظر لك.. بيسلب مني الإرادة.

وأتوه في دنيا غير دنيتي كلها حب وسعادة.

خايفة أكون بكده بخسرك وبتمادى.

وتزيد في دلالك وتسوق عليا العناد 

وتحير قلبي اللي ملكته بدون رحمة ولا هوادة.

وبدون نقصان بل بزيادة الزيادة

سري انكشف ومش قادرة أخبي.

بل أكادا.. بل أكادا.. حبك بيزيد جوا جلبي.

بل أكادا.. بل أكادا

أطلب من الله يديم لي حبك

وعنيك ما تزوغش على لادا ولادا.

وتصافيني بعطفك وحنان قلبك

والخصام والهجر بلاش.. ما منوش إفادة.

إخلص لي.. وأخلص لك.. خلي الود والمحبة بينا عادة. 

وبدون نقصان.. بل بزيادة الزيادة 

سري انكشف ومش قدره أخبي.

بل أكادا.. بل أكادا.. حبك بيزيد جوا جلبي.

 بكل أكادا

********

( 127 )

عن شوجي وحالي

……….

عن شوجي وحالي

حكتب له جواب.

يمكن يصفي لي

من بعد عتاب.

حكتب له جواب

وحاجوله باحبك ولا أختشيشي.

من لوم الناس مهما يجولوا.

وأحلفه أوعك ما تجيشي.

وحنين القلب أوصف هوله

ولإمتي حأخبي.

وأكتم شوقي.. وأصبر قلبي

     حكتب له جواب

حارسم له الساجية.. وسهرتنا

مع بعض في ضي الجمراية.

وأوصف له الترعة وجعدتنا

للعصر في ضل الشجراية.

يمكن يشتاج لي

ويعود.. وييجي لي.

حكتب له جواب

راح أعاتبه وأجوله.. إزاي تنسى

تبعت مرسالك يا غرامي.

وحاجول له الجلب معاك لسه

ومعاك أفراحي وأحلامي.

وحصبر لما يجيني

تاني يهنيني.

حكتب له جواب

حكتب له جواب

********

( 128 )

الصبر رأس مالي

……….

دوَّر عليه واملالي

كاساتي يا ساقي..

ده الصبر راس مالي

وماليش غيره باقي.

دوَّر عليه واملالي

دوّر عليه واسقيني

لحد ما أنسى أسايا.

واطفي لي ناري وحنيني

وواسي قلبي معايا.

أمانة عليك.. يا ساقي.

روحي بين إيديك.. يا ساقي.

ده الصبر رأس مالي

ومالش غيره باقي.

دوَّر عليه واملالي

بعد اللي راح مني

ومش عارفة فين أراضيه.

إيه اللي فاضل لي

علشان أعيش بيه.

غير لوعتي وصبري.. يا ساقي.

وحعيش كده عمري.. يا ساقي.

ده الصبر راس مالي

وماليش غيره باقي.

دوَّر عليه واملالي

ودعت كل آمالي

وودعت حبي الغالي.

وأسهر أنا والليالي

أشكي لها سهدي وحالي.

وذكرى غرام قلبين.. يا ساقي.

إتفرقوا في غمضمة عين.. يا ساقي.

ده الصبر راس مالي

وماليش غيره باقي.

دوَّر عليه واملالي.

********

( 129 )

أسمع كلامك

……….

أسمع كلامك.. أصدقك

أشوف أمورك.. أستعجب. 

خلي كدبك ينفعك

بس شوف مين غيري حتعجب.

أسمع كلامك

كذاب الغابرة.. حالة خاصة ونادرة.

وفي اللوَعْ والمكابرة.. ما لكش مثيل

وقادر قدرة.

تطلع زي الشعر من العجين

من أي مجادلة.

لا ترق ولاتلين..

على اللي عليك صابرة.

لو مش حتحقق لي آمالي

مش ممكن راح أتبعك.

طول ما أنت علي الحب بتكذب

خلي كدبك ينفعك.

بس شوف مين غيري حتعجب.

أسمع كلامك

كلامك كتير.. وفعلك قليل

أقل من أي تصور.

وبدون تفكير.. بتقرب المستحيل

وتفتش في جرابك.. وتدوَّر.

لا بتثور.. ولا بتغير

ولو عليك.. حياتنا تتدمر.

خايفة على حبي معاك

ومش عارفة إمتي حتتغير.

خلي كذبك ينفعك

بس شوف مين غيري حتعجب.

     مش حاسمع كلامك

مشاعر حبنا الجميلة

ضاعت جوايا.. وما بيدي حيلة.

حافظت عليها سنين طويلة

لحد ما بقيت.. بتعذب لوحدي

وبحلم لوحدي بأماني.. شايفاها مستحيلة.

اليأس ملا نفسي..

وحبك خلاني إنسانة ذليلة.

حبعد عن حياتك.. وأنسى حبك

هي دي أحسن وسيلة.

لا حترجاك.. ولا حتمناك

ولا حتأثر.. ولا حستعجب.

خلي كدبك ينفعك

بس شوف مين غيري حتعجب.

    ومش حاسمع كلامك

********

( 130 )

أعلي ما في خيلك إركبه

……….

حُبَّك حيَّر قلبي.. وعذبه

ولأمتى حخبي.. وفيك أحببه.

يا تراعيه بحبك.. وتحلف ما تتعبه

يا إما حبعد.. وأحلف لأخاصمك

وأعلي ما في خيلك إركبه.

     أعلي ما في خيلك إركبه

كنت زمان بتخاف عليا.

وتعشق الأرض اللي تلمسها رجليا.

عشت في أمان.. بمحبتك ليا

وكنت محسودة.. من كل اللي حواليا.

ف ليه تقسى على قلب..

على الحب أنت مربيه ومدربه.

وإزاي تنسى أجمل حب..

كبر وشب.. ورست على شطك مركبه.

يا تراعيه بحبك.. وتحلف ما تتعبه.

يا إما حبعد.. وأحلف لأخاصمك

وأعلى ما في خيلك إركبه.

       أعلى ما في خيلك إركبه.

فجأة كده.. كده اتغيرت

وصبرت عليك لحد ما احترت.

والمولي فيك.. فيك استخرت

وبانت الرؤيا.. وعليك انتصرت.

ياللي بقلبي.. بقلبي غدرت

الحب ليه.. بتصعبه.

هجرت حبي.. وعلى غيري إدوَّرت

اشرح لقلبي.. ليه بتعذبه.

يا تراعيه بحبك وتحلف ما تتعبه.

يا إما حبعد.. واحلف لأخاصمك

وأعلى ما في خيلك إركبه.

    أعلى ما في خيلك إركبه.

خلاص.. خلاص.. أخذت قراري

مهما كانت النتيجة.

ولا عاد هواك.. هواك يحلى لي

وحنساك.. وأعيش حرة سعيدة.

عاجبك كده.. أدينا افترقنا في غمضة عين

والهجر طغى علي الحب.. وهرَّبُه.

ويا فرحة الشمتانين.. دول كانوا مستنيين

قوللي قول.. الخبر ده تقدر تكذبه.

وبقولها لك تاني.. قلبي اللي حبك

يا تراعيه بحبك.. وتحلف ما تتعبه.

يا إما حبعد.. وأحلف لأخاصمك

وأعلى ما في خيلك إركبه.

    أعلى ما في خيلك إركبه

********

( 131 )

المستحيلات

……….

ده من رابع المستحيلات

أقدر أخاصمك.. أنت بالذات.

ده أنت حبيبي لكل الأوقات 

وعمري اللي جاي وعمري اللي فات.

      ده من رابع المستحيلات

كُتر الكلام.. وزادت الإشاعات

رديت وقلت لهم.. صبيان وبنات.

لو حتى باقي.. من عمري ساعات

حاقول باحبك.. بكل اللغات.

علشان من رابع المستحيلات

أقدر أخاصمك أنت بالذات.

       ده من رابع المستحيلات

حبك مهنيني.. مهما بعدت بيننا المسافات.

دايماً بيشجيني.. بألحان وشدو ونغمات.

ما هو الحب.. حلو

ما بين.. ضحك.. وآهات.

علشان كده.. من رابع المستحيلات

أقدر أخاصمك أنت بالذات. 

         ده من رابع المستحيلات

كل يوم.. بحبك أكتر من اليوم اللي فات.

ما بيهمنيش اللوم.. اللي في الرايحات والجايات.

حبي لك بيغيروا منه.. يا أغلى من الذات.

ده الحب الحقيقي فيه خد.. وما فيهوش أبداً هات.

علشان كده .. من رابع المستحيلات

أقدر أخاصمك أنت بالذات

        ده من رابع المستحيلات

********

( 132 )

إسأل مجرب

……….

يا قلبي كان ليه تقرَّب

من الحب.. هو أنت قده.

مش كنت تسأل مجرب

قبل ما تروح لحده.

   اسأل مجرب

ما بين دموعك ودمعي

بتفوت وتجري الليالي.

وطول أنينك في سمعي

نساني فرحة آمالي.

هويت.. ومين قال لك أهوى

وبقيت.. ما بين نوح وشكوى.

ولفين يا قلبي حتهرب

من حب روحك في يده.

مش كنت تسأل مجرب

قبل ما تروح لحده.

    اسأل مجرب

أصبر وشوف النهاية

يا قلبي وأسكت وداري.

ماهو أنت أصل الحكاية

وأنت السبب في اللي جرالي.

أصبر دي أحسن طريقة

تواجه بيها الحقيقة.

ولفين يا قلبي حتهرب

من حب روحك في يده.

مش كنت تسأل مجرب

قبل ما تروح لحده.

   أسأل مجرب

ياما وياما قلت لك:

أسأل مجرب.. ولا تسألنيش.

ياما وياما قلت لك:

أنا في الحب ماليش.. ما بتصدقنيش.

عمري ما عرفته.. ولا جيت يمته.

ولما كانت تيجي على البال سيرته

أبعد عن سكته.

ولفين يا قلبي حتهرب

من حب روحك في يده.

مش كنت تسأل مجرب

قبل ما تروح لحده.

    اسأل مجرب

********

( 133 )

الغايب حجته معاه

……….

معلهش.. نسيبه علي هواه

وسامحه يا قلبي المرة دي.

لحد ما نشوف آخرتها معاه

وبلاش تكون أنت البادي.

ده الغايب برده.. حجته معاه

وكل شئ له نهاية في الدنيا دي.

   معلهش نسيبه على هواه

طول عمره يوعد ويخالف

وده شئ مش جديد عليه.

ما أنا عارف وأنت عارف

بيحب الكدب زي عنيه.

وأهو برده الغايب حجته معاه

ونسامحه يا قلبي المرة دي.

 معلهش نسيبه علي هواه

برده ما تنساش إنه حبيبك

ومهما يجري مش حيهون عليك.

ويمكن يكون داري باللي بيك

بس مشاغله هي اللي بعداه عن عنيك.

وأهو برده الغايب حجته معاه

ونسامحه يا قلبي المرة دي.

معلهش نسيبه علي هواه

يا قلبي أصبر.. أهو بكرة قريب

وكلها كام يوم.. ويرجع ندمان.

ده أنت هواه.. وأنت الحبيب

ومش حيلاقي غيرك.. عنده الأمان.

وأهو برده الغايب حجته معاه

ونسامحه يا قلبي المرة دي.

 معلهش نسيبه علي هواه

********

( 134 ) 

عفا الله عما سلف

……….

خلاص المخبي بان واتعرف 

وقلبي اللي خانك.. تاب واعترف.

بس خديها مني كلمة شرف

عمر ما عيني حتزوغ تاني.. ولا انحرف.

وعفا الله عما سلف

وحياة حُسنِك وجمالك

والأيام الصعبة اللي وريت هالك.

وصبرك عليا.. وطولة بالك

لو سقتيني المرُ حاقول ده حلالك.

بس خديها مني كلمة شرف

عمر ما عيني حتزوغ تاني.. ولا انحرف.

وعفا الله عما سلف

تعالي نبدأ من جديد

ونعوَّض اللي فاتنا.. القريب والبعيد.

ده طول ما أنتِ جنبي.. بكون سعيد

وفرحي بلقاكي.. زي هلال العيد.

بس خديها مني كلمة شرف

عمر ما عيني حتزوغ تاني.. ولا انحرف.

وعفا الله عما سلف

أنا عارف إن قلبك كبير

وسامحتيني قبل كده كتير.

يا أميرة يا بنت الأمير

أنتي الحياة.. أنتي المصير.

بس خديها مني كلمة شرف

عمر ما عيني حتزوغ تاني.. ولا انحرف.

وعفا الله عما سلف

********

(135  )

علمي.. علمك

……….

ليه يا قلبي.. قوللي ليه

اللي راح.. تسأل عليه؟.

إمتى ييجي.. إمتى أقابله

وإيه حقولك.. 

علمي.. علمك.

واسأله يمكن يدلَّك.

 علمي.. علمك

الغرام.. حال بعد حال

وآدي إنت شايف.. إيه بيجرى.

مش بعيد تشوفه بكرة

مين اللي عارف.. إيه في بكرة.

الزمان بيمر بينا

وإحنا ياما شفنا منه.

واللي راح يمكن ناسينا

ليه بقى تسألني عنه.

إمتى ييجي.. إمتى أقابله

وإيه حقولك..

علمي.. علمك.

     علمي.. علمك

ليه يا قلبي تشكي..

ليه حيرت أمري.. توب وخبي.

ليه يضيع بالشجن عمرك وعمري

ليه يا قلبي.

هو من شرط المحبة

كل يوم تسأل.. كفاية.

طاوعني.. وانسي حبه

ومش كده.. خليك معايا.

إمتى ييجي.. إمتى أقابله

وإيه حقولك.. علمي علمك.

واسأله يمكن يدلك.

       علمي.. علمك

لا يا قلبي..كُتر عليا الشوق

طاوعني.. وانسي حبه.

ناوية أنسى الحب..

وأنت لو بايعني.. قول باحبه.

حلم غالي وفات علينا

ومن الغرام.. صحينا بدري.

ليه بقي نعوِّد عنينا

على الشجن من غير ما ندرا.

إمتى ييجي.. إمتى أقابله

وإيه حقولك.. علمي علمك.

وأساله يمكن يدلك.

       علمي.. علمك

********

( 136 )

ما يموتش حق

……….

ما يموتش حق وله مُطالب

وأنا من حقي بحُبِّك.. أطالب.

ما دام هواكي على قلبي غالب

ليه أبقى موجب وأنتي سالب.

ما يموتش حق.. ما يموتش حق

أنا عارف إن قلبِك مش معايا

وعذابي في حبِّك مالهوش نهاية.

ياللي أنتِ مش باقية على هوايا

مسيرك حتندمي.. وتجربي أسايا.

صدقيني أنا مش تعلب.. ولا ليا مخالب

ويا بخت من بات مغلوب ولا بات غالب.

أنا هويتك.. وهواكي على قلبي غالب

علشان كده من حقي بحبك أطالب.

ما يموتش حق وله مُطالب

ليه أكون موجب وأنتي سالب.

ما يموتش حق.. ما يموتش حق

سألت قلبي.. إيه اللي عاجبك فيها

دي قاسية وأنانية.. وبتظلم المغرمين بيها.

رد قاللي.. قدري وقدرك هو اللي رمانا في سكتها

وخلانا نتوه وندوب في محبتها.

حصبر عليكي

لحد ما مسيرك تحنِّي وتليني.

وإن جت عيني في عنيكي

حتلمسي بنفسك شوقي وحنيني.

ده الحب الكبير اللي في قلبي شايل هولك

هو اللي حعيش بية باقي سنيني.

والآمال الحلوة اللي رسمتْها جفوني

حاكون ممنون لو تقبليها وتحبيني.

صدقيني أنا مش تعلب ولا ليا مخالب

أنا هويتك وهواكي علي قلبي غالب.

علشان كده من حقي بحبك أطالب

ما يموتش حق وله مطالب.

ما يموتش حق.. ما يموتش حق

********

( 137 )

الحق عليا أنا

……….

أنا اللي بديت أنا

وأنا اللي هويت أنا.

وأعاتبك ليه

أيه حاخد إيه.

    الحق عليا أنا

ياما كان.. ياما كنا

أسعد قلبين.

بالهوى نتغنى

والعين في العين.

وعارفني بحبك

وناسيني يا قلبك.

وأعاتبك ليه

أيه حاخد إيه.

الحق عليا أنا

إيه شفته معايا

غير أحلى غرام.

وهواك وهوايا

نجوى الأيام.

وعارفني بحبك

وناسيني يا قلبك.

وأعاتبك ليه

أيه حاخد إيه.

الحق عليا أنا

خليك على حالك

في جفاك وأساك.

وإن هجري حلا لك

أنا مش حنساك.

وأعاتبك ليه

إيه حاخد إيه.

الحق عليا أنا

********

( 138 )

على شط جليم

……….

على شط جليم ياله نغني

ده الجو جميل.. سحره يهني.

        على شط جليم 

نور القمر فتان

وفيه معاني هواك.

أمل.. نعيم.. وحنان

يوصف لقلبي رضاك.

وأسمع لألحان حبي وحبك

ألاقي شوقي يزيد وأنا جنبك.

وأسبح وياك.. على شط جليم.

في نعيم نجواك.. على شط جليم.

           على شط جليم 

آدي النسيم.. يناجيك

ويغني لحن صفاك.

والموج بشوق يلاغيك

فرحان بفرحي معاك.

وكل شِئ هادي بيسحرني

وبعهدنا الغالي يفكرني.

وأمل بسام.. دنيا وأحلام

على شط جليم.

حب وحنان.. من ثغرك البسام

على شط جليم.

         على شط جليم 

حلم الزمان شفناه

من بعد شوق وهيام.

يا ريت يدوم لي صفاه

وتدوم لنا الأيام.

يا بدر طمن قلبي وفكري

وقوللي مش حتروَّح بدري.

ده ميعاد قلبين.. على شط جليم.

أسعد حبيبين.. على شط جليم.

على شط جليم 

********

( 139 )

على شط البحر

……….

أنا وأنت والليل متهني

والجو جميل.. أفراح وهنا.

والبحر أمواجه بتغني..

تغني لمين غير أنت وأنا.

     على شط البحر

دنيا لوحدينا.. والليل سكونه

جمال وحنان.

فرحت أمانينا.. ما بين أغاني

وبين ألحان.

والبدر يناجينا..

وأنا وأنت والليل متهني.

فرحان يهنينا

والبحر أمواجه تغني.

تغني لمين غير أنت وأنا.

    على شط البحر

أحلامنا الحلوة اتحققت

وكانت أوهام.

وغرامك غنوة.. حيقولها لي قلبي

مع الأيام.

والحب يسعدنا.. وأنا وأنت

والليل متهني.

ويهني مواعيدنا..

والبحر أمواجه تغني.

بتغني لمين غير أنت وأنا.

    على شط البحر

غني لي تمللي

وسمَّع الأمواج نجواك.

وأحكي لي وقوللي

عن الغرام وأوصف لي رضاك.

ده الحب فرحنا

وأنا وأنت والليل متهني.

إحنا الغرام.. إحنا

والبحر أمواجه تغني.

   على شط البحر

********

( 140 )

يا موج اسمعني شوية

……….

يا موج اسمعني شوية 

حاحكي لك عن حالي.

حب وليالي هنية

شفتها ويا حبيبي الغالي.

 يا موج إسمعني شوية

أول ما عرفته

هويته من قلبي.

وإكمنه ظريف استلطفته

وما قدرتش والله أخبي.

وصارحته بكل بساطة

عن الحب وإيه يعني.

ونظر لي بكل لطافة 

وابتسم لي وطاوعني.

يا موج إسمعني شوية

بعد كده اتواعدنا

مرة وراها التانية.

وعلى الأخلاص اتعاهدنا

ونسينا هموم الدنيا.

وقطفنا الزهور وغنينا

والكون نوَّر حوالينا.

وطيوره ضحكت لينا

والفرحة سكنت ليالينا.

 يا موج إسمعني شوية

ده الهنا شفته معاه

وقربه طمن قلبي.

وصارحني وأنا وياه

عن فرحته بحبي.

وغني لي نغم محلاه

فيه الأمل يشجي.

يا موج إسمعني شوية

********

( 141 )

يا بحر بين شطين

……….

أشكي لمين غيرك

يا بحر بين شطين.

وأحكي لمين غيرك

قصة عذاب قلبين.

 يا بحر بين شطين

أمانة يا بحر تدلني

وتسمعني الجواب من أمواجك.

خايفة يا بحر تصدني

بكتر دلالك وعتابك.

ده السنين طالت والأيام

والهجر فارد جناحه.

عايشين يا بحر على الأحلام

وزمنَّا فاتح جراحه.

وأحكي لمين غيرك

قصة عذاب قلبين.

         يا بحر بين شطين

********

( 142 )

يا موج البحر

……….

يا موج البحر هنيني

وغني معايا يوم فرحتي.

حبيبي جه يواسيني

وبإيده نور شمعتي.

     يا موج البحر

بعد الفراق حنتقابل

على شط البحر أنا وهو.

ونغني ولا نلقى عوازل

تحسد أمانينا الحلوة.

وما بين الخضرة والمية

حنقضي ليالي هنية.

يا موج البحر هنيني

وغني معايا يوم فرحتي.

     يا موج البحر

صبرت سنين وليالي

وأهو الزمن عوض صبري.

ورجع لي حبيبي الغالي

وشفت الهنا وارتاح قلبي.

والطير على غصنه سلاني

والورد بعبيره هناني.

وحبيبي جه يواسيني

وبإيده نور شمعتي.

يا موج البحر هنيني

وغني معايا يوم فرحتي.

     يا موج البحر

يلا نجدد عهد غرامنا

نفرح وننسى عهد الفراق.

ونحقق كل أمالنا

ونصون الود بالأشواق.

وحياتنا تبقي هنا

ونعيم وفرح ومُنى.

ده حبيبي جه يواسيني

وبإيده نور شمعتي.

يا موج البحر هنيني

وغني معايا يوم فرحتي.

      يا موج البحر

********

( 143 )

يا بنتي إهدي

……….

يا بنتي إهدي.. وبطلي ظيته.

وردي علي سؤالي.. ومتبقيش حويطة.

ماله إبن جارتنا ستيتة.

ده ضل راجل.. ولا ضل حيطة. 

  يا بنتي إهدي

نفسي أشوفك في الزفة.. قبل ما أموت.

جنبك عريسك الخفة.. الواد العكروت.

ماله إبن جارتنا ستيتة.

ده ضل راجل.. ولا ضل حيطة.

  يا بنتي إهدي

نفسي أشوفك في بيت العَدَل.. ويرتاح بالي.

وتهدي كده وحالك ينعدل.. مع عريسك الغالي.

ماله إبن جارتنا ستيتة.

ده ضل راجل.. ولا ضل حيطة.

  يا بنتي إهدي

نفسي أشوف ولادك الحلوين.. ماليين البيت عليا.

دول من قبل ما ييجوا ساكنين.. في قلبي وعنيا.

ماله إبن جارتنا ستيتة.

ده ضل راجل.. ولا ضل حيطة.

  يا بنتي إهدي

********

( 144 )

أسكت يا واد

……….

أسكت يا واد.. بلاش مأوحة

أنا بنت بلدك.. حرة وناجحة.

وإن عبت فيا.. أنا مش مسامحة

وأسامحك ليه.. وأنا على راسي بطحة.

      أسكت يا واد

أسكت وأهدي.. بطل مناهدة.

أنا رافضة حبك.. أنا فيه زاهدة.

وإن اتهاودت أنت.. أنا مش مهاودة.

ومش عارفة لإمتى.. حفضل معاندة.

وإن عبت فيا.. أنا مش مسامحة.

وأسامحك ليه.. وأنا على راسي بطحة.

      أسكت يا واد

طموحي أكبر من قلبي.. ويا ريت تفهمني.

والله ما بتكبَّر.. هو ده قدري.. ليه منه تحرمني.

لو حتشاركني كفاحي.. في آلامي وأفراحي

حاسعدك وأهنيك.

وإن عبت فيا.. أنا مش مسامحة.

وأسامحك ليه.. وأنا على راسي بطحة.

      أسكت يا واد

فكر في اللي أنا قلته

وبعدين رد عليا.

ده أنا رغم اللي عملته وقلته

عمر قلبي ما شال منك أسية.

هي دي حياتي.. وهي دي دنيتي.

تحترم عقليتي وذاتي.. حأهديك محبتي.

لكن إن عبت فيا.. أنا مش مسامحة.

وأسامحك ليه.. وأنا على راسي بطحة.

      أسكت يا واد

********

( 145 )

عصفور في اليد

( دويتو )

……….

هي: عصفور في اليد

ولا عشرة علي الشجر.

لو بتحبني بجد

لكل خُطابي حعتذر.

هو: بجد.. بجد

حبي ليك مالهوش حد.

ومش ممكن حد حياخدك مني

ولا نظرة عنيه ليكي تتمد.

هي: أنا حواليا عصافير ياما

بتغرد بحبي ليل ونهار.

بس أنا خايفة من بابا وماما

لو يعرفوا حيخلوا عيشتي مرار في مرار.

هو: عصافيرك كلها... واهية وولهانة

وبيضحكوا عليكِ.. وبيرسموا الأمانة.

أنا وبس اللي بحبك بدون غش.

وأخدك وأطير بيك على أجمل عش.

هي: يا خوفي ليكون كل ده أحلام

وأصحى منها ألاقيها أوهام.

هو: أنا غير كل العصافير 

أنا ابن ناس شهم وأصيل.

أسألي عليا حتسمعي كتير

سمع حيبسطك.. وده أكبر دليل.

صدقيني والله أنا باحبك وبريدك

وحتقدم لأهلك وأطلب إيدك.

وأخليكي ملكة والكل عبيدك

بس إنتِ وافقي وحطي إيدي في إيدك.

هي: مش حقدر أنكر إني هويتك

ومن دون كل اللي اتقدموا لي.. أنا حبيتك.

من أول نظرة شفتك ورأيتك

ومن كل قلبي اتمنيتك.

بس أنا عايزاك تكون بعيد النظر

وعلى قلبي شوية تنتظر.

لحد ما قلبي بيك يحس

ويشاور ويقول أنت وبس.

هو: حرفض كل الأسباب اللي حتبعدني عنك

وحياتي حتبقي عذاب لو الرفض جه منك.

هي: أنا عارفة إنك عريس الهنا

ويارب تكون من نصيبي أنا.

وبالفرح والسعد تتوج حبنا

ونفرح ونتهنى من قلبنا.

هو: بس أنتِ وافقي

وحكون ممنون لو تقفي في صفي.

صدقيني حتكوني في حمايا أسعد إنسانة

وفي السعد ليل ونهار حخليكِ غرقانة.

هو وهي: يا رب حقق مُنانا.. وحقق آمالنا

واكتب لنا عندك هنانا.

هي: عصفور في اليد.. ولا عشرة علي الشجر

وما دمت بتحبني بجد.. لكل خُطابي حعتذر.

********

( 146 )

بحبك.. بحبك

( دويتو )

……….

هو: بحبِّك.. بحبِّك.

هي: وأنا كمان.

هو: وحُبِّك وطيبة قلبك

هدوني للتقوي والإيمان.

وطول ما أنا جنبك

أصلي وأشكر الرحمن.

وأدعي يخليكِ ليا

يا نبع الحب والحنان.

    بحبِّك.. بحبِّك.

هي: بحبَّك.. بحبَّك

من زمان.

وبدعي ربي

في كل أدان.

يوعدني براجل

زيك أنسان.

وأهو سبحانه قبل دعوايا

وبَعَتَك ليا.. أشكرك

أشكرك.. يا رحمن.

  بحبَّك.. بحبَّك.

هو: قبلك حياتي.. 

كانت شقى وحرمان.

وقلبي كان ضانيه

العذاب والأشجان.

وليلي ونهاري

عايش مش دريان.

أنا صاحي.. ولا غفلان.

وبدعي ربي

في كل أذان.

يوصلني على بر الأمان. 

والحمد لله

استجاب لي الواحد الديان.

وهداني بحورية 

جميلة من الجنة.

حعيش معاها

بقية عمري وأتهنى.

هو وهي: الحمد لله.. الحمد لله.

ربنا يتم علينا فرحتنا.

ونعيش في حب وسلام

وأمان.

الحمد لله.. الحمد لله

********

****

**

*